20.05.2026 | 14:02
Հայտնաբերվել է երիտասարդին դանակահարած անձը․ նա ձերբակալվել է
ՌԴ-ն առաջվա հզորությունը չունի և ավելի շատ է հաշվի նստում Թուրքիայի հետ․ Շանթ Հարությունյանը՝ տարածաշրջանային զարգացումների մասին. ՏԵՍԱՆՅՈՒԹ
Քաղաքականություն
25.09.2020 | 14:21
ՌԴ-ն առաջվա հզորությունը չունի և ավելի շատ է հաշվի նստում Թուրքիայի հետ: Այս մասին այսօր հրավիրված ասուլիսի ընթացքում, խոսելով տարածաշրջանային զարգացումների, Թուրքիայի ոտնձգությունների մասին, ասաց «Ցեղակրոն» կուսակցության նախագահ Շանթ Հարությունյանը:
«Էրդողանն ու Պուտինը տարբեր պայմանավորվածություններ են ունենում, նույնիսկ կոնֆլիկտային իրավիճակներում և բախումներով՝ նստում են բանակցությունների: Եվ քանի որ Ռուսաստանն էլ առաջվա հզորությունը չունի, օր օրի թուլանում է, ավելի շատ է հաշվի նստում Թուրքիայի հետ»,- նշեց Հարությունյանը՝ նկատելով, որ Թուրքիան այնքան է հզորացել, որ ինքն է նախահարձակ է լինում և պահանջում է զիջումների գնալ նաև Ղարաբաղի հարցում:
«Ինչքան Թուրքիայի դիրքերն ուժեղում են միջազգային ասպարեզում, և ինչքան Ռուսաստանի դիրքրերը թուլանում են, այնքան ճնշումը մեծանում է Ռուսաստանի վրա: Ռուսաստանը հասկանում է, որ ինչ-որ զիջում պետք է անի»,- նշեց Շանթ Հարությունյանը՝ հավելելով, որ Թուրքիայի քայլերը կարող է կանխել միայն ԱՄՆ-ը:
Մանրամասները՝ տեսանյութում:
