18.11.2024 | 15:42
Անընդունելի է․ Կրեմլը՝ ռուս-ուկրաինական պատերազմի սառեցման Էրդողանի ծրագրի մասին
Խունդկարյանն իմ նախընտրելի թեկնածուներից մեկն է եղել, բայց դա զրո նշանակություն ունի. Հրայր Թովմասյան. ՏԵՍԱՆՅՈՒԹ
Քաղաքականություն
25.09.2020 | 13:54
Ես արդեն հայտարարել եմ, որ չեմ մասնակցի ՍԴ աշխատակարգային նիստին և ՍԴ նախագահի քվեարկությանը, քանի որ տպավորություն ունեմ, որ այն դրսից ուղղորդված է: Այս մասին այսօր լրագրողների հետ զրույցում նշեց ՍԴ դատավոր Հրայր Թովմասյանը:
«Իմ ունեցած չճշտված տեղեկություններով՝ երեկվա իմ հայտարարությունից հետո որոշակի այլ սցենարներ են քննարկվել, բայց ինչ սցենարով էլ գնան, միևնույն է»,-ասաց նա՝ հստակեցնելով, որ նորից առաջադրումներ անելու հարցն է քննարկվել քաղաքական շրջանակների կողմից:
«Եթե իմանամ, որ չկա դրսից ազդեցություն, ՍԴ-ն ինքնուրույն է իր քայլերն անում, այդ դեպքում, բնականաբար, կմասնակցեմ ՍԴ նիստին: Ինքնին, որ ՍԴ նախագահի մեկ թեկնածու է, դա լավ հանգամանք չի»,- ասաց Թովմասյանը։
Նա հավելեց, որ եթե միակ թեկնածուն չհավաքի բավարար թվով ձայներ, ապա կլինեն նոր ընտրություններ:
Հրայր Թովմասյանը նաև ընդգծեց, որ Երվանդ Խունդկարյանն իր նախընտրելի թեկնածուներից մեկն է եղել: «Երբ ես թվարկել եմ, թե ով կարող է լինել ՍԴ նախագահ, ինքը եղել է այդ շարքում, բայց դա զրո նշանակություն ունի: Եթե իմ ամենանախընտրելի թեկնածուն էլ լինի, բայց ընտրության գործընթացը դրսից ուղղորդված լինի, իմ վարքագիծը սա է լինելու,- ասաց Թովմասյանը:
Մանրամասները՝ տեսանյութում:
