09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Դատավոր Աշոտ Խաչատրյանի գործողություններն իրավաչափ չեմ համարել. Արևիկ Պետրոսյան. ՏԵՍԱՆՅՈՒԹ
Հասարակություն
25.09.2020 | 11:22
Սահմանադրական դատարանի նախագահի ընտրության իմ քվեարկությունը պարզ կլինի իմ հարցերին ստացվելիք պատասխաններից հետո: Այս մասին այսօր լրագրողների հետ զրույցում ասաց Սահմանադրական դատարանի դատավոր Արևիկ Պետրոսյանը:
Նա նշեց, որ որևէ խնդիր չի տեսնում, որ հիմա մեկ թեկնածու է․ կարող էր ընդհանրապես թեկնածու չլինել, կարող էին լինել մի քանիսը:
Ինչ վերաբերում է նախկինում Սահմանադրական դատարանի նիստերին իր մասնակցությանը, Արևիկ Պետրոսյանն ասաց՝ մասնակցություն ունեցել է, բայց քվեարկություններին չի մասնակցել՝ հիմնականում սահմանադրաիրավական բովանդակային փոփոխությունների պատճառով:
«Ամենակարևոր հարցս՝ Սահմանադրական դատարանի նախագահի լիազորությունները ժամանակավորապես կատարող պատասխանատուի՝ Աշոտ Խաչատրյանի գործողությունների իրավաչափությունը ես չեմ ընդունել, քանի որ պարտավոր էր, ըստ իս, Սահմանադրական դատարանի մասին օրենքի 18-րդ հոդվածի 3-րդ մասի համաձայն՝ հունիսի 26-ից կատարել իր պարտականությունները, ինչը չի իրականացրել գրեթե մեկ ամիս շարունակ, որի պատճառով էլ խնդիրների մեծ մասն առկա է եղել: Ես իր գործողություներն իրավաչափ չեմ համարել, դրա համար քվեարկություններին չեմ մասնակցել»,- ասաց Արևիկ Պետրոսյանը:
Մանրամասները՝ տեսանյութում:
