20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Վարկերի տեսակարար կշիռը աննախադեպ բարձր ցուցանիշի է հասել․ հասցեական սուբսիդավորում է պետք․ Միքայել Մելքումյան. ՏԵՍԱՆՅՈՒԹ
Տնտեսություն
24.09.2020 | 13:42
Վարկերի տեսակարար կշիռը ՀՆԱ-ում աննախադեպ ցուցանիշի է հասել, ունենք 6․5 տրիլիոն դրամ ՀՆԱ-ի ակնկալիք և ունենք 4 տրիլիոնի մոտ վարկեր՝ ներարկված տնտեսության մեջ, որից 3․6 տրիլիոնը բանկերի կողմից տրված վարկերն են և 4-5 հարյուր միլիարդ դրամը՝ վարկային կազմակերպությունների։ Այսինքն՝ հանրային կյանքում վարկերի նշանակությունը շատ մեծացել է։ Այս մասին ԱԺ-ում կազմակերպված խորհրդարանական լսումների ժամանակ ասաց «Բարգավաճ Հայաստան» խմբակցության պատգամավոր Միքայել Մելքումյանը՝ անդրադառնալով տրամադրվող վարկերին և ավանդներին:
Պատգամավորի կարծիքով՝ լավ է, որ հանրային կյանքում վարկերի ներարկումը լավ է, բայց ոչ այս պայմաններում։
«Այնպիսի վարկեր պետք է լինեն, որոնց տակից ժողովուրդը կարողանա դուրս գալ, վարկը չպետք է լինի այնպես, որ ի վերուստ դատապարտված լինի այդ բիզնեսը։ Երբ բանկերը որոշակի տոկոսով վարկեր են տալիս, իրենք պետք է լուրջ վերլուծություններ ունենան, թե տնտեսական կյանքում, տարբեր ոլորտներում ինչ շահութաբերություն կա՝ լավ, միջին, թե՞ ցածր։ Վարկ ես տալիս, միանգամից վարկառուին դատապարտում ես, որովհետև շահութաբերություն չի ունենում։ Կարող եք միանգամից ասել՝ դու, քո ռիսկը, վարկ ես վերցրել, մտածեիր՝ ինչ ես վերցրել, չմտնեիր այդ վարկի տակ»,- ասաց Մելքումյանը։
Մանրամասները՝ տեսանյութում:
