Տնտեսություն
24.09.2020 | 13:59
ՀՀ սպառողական շուկայում 12-ամսյա գնաճը (2020թ. օգոստոսը՝ 2019թ. օգոստոսի նկատմամբ) կազմել է 1.8%, իսկ նախորդ ամսվա նկատմամբ արձանագրվել է 0.1% գնանկում: Այս մասին տեղեկանում ենք Վիճակագրական ծառայության հրապարակած տվյալներից։
Միաժամանակ, 2020 թվականի հունվար-օգոստոսին, նախորդ տարվա նույն ժամանակահատվածի համեմատ, գնաճը կազմել է 0․8%:
2020թ. օգոստոսին, 2019թ. օգոստոսի համեմատ, հանրապետությունում արձանագրվել է սննդամթերքի և ոչ ալկոհոլային խմիչքի 1.6% գնաճ, իսկ 2020թ. հուլիսի համեմատ՝ 0.9% գնանկում: Վերջինին մեծապես նպաստել է մրգի և բանջարեղենի գնանկում, համապատասխանաբար, 4.9% և 3.3%-ով:
Մրգի ապրանքախմբում 2020թ. օգոստոսին, 2019թ. օգոստոսի համեմատ, արձանագրվել է 30.6% գնաճ, իսկ 2020թ. հուլիսի համեմատ՝ 4.9% գնանկում:
2020թ. օգոստոսին, 2019թ. օգոստոսի համեմատ, շաքարի և շաքարավազի ապրանքախմբում արձանագրվել է 3.9% գնանկում, իսկ 2020թ. հուլիսի համեմատ՝ 0.8% գնաճ:
Մսամթերքի ապրանքախմբում 2020թ. օգոստոսին, 2019թ. օգոստոսի համեմատ, արձանագրվել է 3.9% գնանկում, իսկ 2020թ. հուլիսի համեմատ՝ 0.5% գնաճ:
Կաթնամթերք, պանիր և ձու ապրանքախմբում 2020թ. օգոստոսին, 2019թ. օգոստոսի համեմատ, արձանագրվել է 3.5% գնանկում, իսկ 2020թ. հուլիսի համեմատ՝ 0.3% գնաճ: Ձվի գինը 2020թ. օգոստոսին, 2019թ. օգոստոսի համեմատ, նվազել է 20.7%-ով, իսկ 2020թ. հուլիսի համեմատ գրանցվել է 2.0% գնաճ:
2020թ. օգոստոսին, հուլիսի համեմատ, հանրապետությունում արձանագրվել է ձկան և
ծովամթերքի, սուրճի, թեյի և կակաոյի, ալկոհոլային խմիչքի և ծխախոտային արտադրատեսակների 0.1% գնաճ, իսկ հացաբուլկեղենի և ձավարեղենի, յուղերի և ճարպերի, ոչ ալկոհոլային խմիչքի ապրանքախմբերում գների մակարդակը, նախորդ ամսվա համեմատ, մնացել է անփոփոխ:
Հանրապետության դիտարկվող 10 քաղաքներում 2020թ. օգոստոսին, հուլիսի համեմատ, սպառողական գները նվազել են 0.3-0.1%-ով (համեմատաբար բարձր գնանկում արձանագրվել է Վանաձոր և Վաղարշապատ քաղաքներում), իսկ մեկում պահպանվել է նախորդ ամսվա գների մակարդակը: Մայրաքաղաքում սպառողական գները նվազել են 0.1%-ով:
2020թ. օգոստոսին, հուլիսի համեմատ, հանրապետությունում գրանցվել է բենզինի և դիզելային վառելիքի, համապատասխանաբար, 8.7% և 1.1% գնաճ: 2020թ. օգոստոսին, 2019թ. օգոստոսի համեմատ, բենզինի և դիզելային վառելիքի գները նվազել են 23.0% և 29.8%-ով, իսկ 2019թ. դեկտեմբերի համեմատ՝ 19.5% և 24.4%-ով։
Անժելա Պողոսյան
