14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Գոլդեն Փելիս» հյուրանոցի աճուրդային գինը կնվազի. մանրամասնում են կառավարությունից. ՏԵՍԱՆՅՈՒԹ
Տնտեսություն
24.09.2020 | 13:12
«Գոլդեն Փելիս» հյուրանոցը, Կառավարության այսօրվա որոշմամբ, կրկին աճուրդի է ներկայացվել: Այս մասին լրագրողների հետ զրույցում ասաց Պետական գույքի կառավարման կոմիտեի նախագահ Նարեկ Բաբայանը՝ անդրադառնալով հարցին, թե ինչո՞ւ է անընդհատ ձգձգվում «Գոլդեն Փելիս» հյուրանոցի աճուրդի հարցը, արդյո՞ք պատճառը գնորդի բացակայությունն է:
Նարեկ Բաբայանը նշեց, որ նախորդ աճուրդի գործընթացը դադարեցված էր՝ պայմանավորված համավարակով. «Կորոնավիրուսով վարակակիրների հետ կոնտակտավոր անձինք էին այնտեղ տեղավորված: Հիմա աճուրդը նորից մեկնարկային կետից կսկսվի»:
Անդրադառնալով հարցին՝ հնարավո՞ր է մարդիկ հրաժարվեն գնել հյուրանոցը, որտեղ վարակակիրներ են եղել, Նարեկ Բաբայանը պատասխանեց. «Չեմ կարծում, թե այդպիսի խնդիր կլինի, մենք բոլորս էլ շփվել ենք վարակակիրների հետ: Որևէ լուրջ փաստարկ չկա, որ այդ հանգամանքը կարող է ազդել գույքի գնի վրա: Գնի վրա կարող են ազդել միայն տնտեսական վիճակը և ներդրողների հետաքրքրվածությունը»:
Պետգույքի կառավարման կոմիտեի նախագահը նաև ընդգծեց, որ եթե «Գոլդեն Փելիս» հյուրանոցի աճուրդը չկայանա, նախատեսված է գնի իջեցում:
Մանրամասները՝ տեսանյութում:
