17.09.2026 | 23:38
Սամվել Կարապետյանի տնային կալանքը երկարաձգվել է
Մանվել Գրիգորյանը անկողնային բուժում է ստանում. պաշտպանը միջնորդեց քրգործը կասեցնել․ ՏԵՍԱՆՅՈՒԹ
Հասարակություն
22.09.2020 | 11:36
ԱԺ նախկին պատգամավոր, ԵԿՄ նախկին նախագահ Մանվել Գրիգորյանն այսօր կրկին դատարան չէր ներկայացել։ Նրա պաշտպանը ներկայացրեց բժշկի գրությունը, համաձայն որի, Գրիգորյանը անկողնային բուժում է ստանում:
Նշենք, որ տևական ժամանակ է՝ այս գործով դատական նիստերը չեն կայանում ամբաստանյալի բացակայության պատճառով: Մանվել Գրիգորյանի պաշտպանը միջնորդեց քրեական գործը կասեցնել և վերացնել Գրիգորյանի նկատմամբ ընտրված խափանման միջոցը:
Դատախազ Վահե Դոլմազյանը, հետազոտելով դատարանին ներկայացված բժշկական փաստաթուղթը, ասաց, որ չի կարծում, թե քրեադատավարական առումով Գրիգորյանն այնքան վատ վիճակում է, որ գործը պետք է կասեցվի:
Բացի այդ, դատախազը պահանջեց դատարան ներկայացնել Գրիգորյանի մեկ ամսվա առողջական վիճակի մասին տվյալ, այլ ոչ թե միայն նիստին նախորդող օրվա մասին տվյալներ: Դատախազը դատարանին ասաց, որ պաշտպանների միջնորդությունը ենթակա է մերժման:
Հիշեցնենք, որ Մանվել Գրիգորյանը մեղադրվում է ապօրինի կերպով զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու համար։
Մանրամասները՝ տեսանյութում։
Լիլիթ Շաբոյան
