07.06.2026 | 09:36
Վաղարշապատի ընտրատեղամասում քվեարկում են նաև զինծառայողները
71 հոգուն պարգևատրելն արդարացված էր. Դավիթ Տոնոյանը՝ Սերժ Սարգսյանին. ՏԵՍԱՆՅՈՒԹ
Հասարակություն
21.09.2020 | 10:12
Անկախությունը մարդու հոգուց է սկսվում, ոչ միայն սահմանից: Այս մասին այսօր «Եռաբլուր» պանթեոնում լրագրողների հետ զրույցում ասաց պաշտպանության նախարար Դավիթ Տոնոյանը:
«Անկախության երաշխավորը ոչ միայն բանակն է, այլ նաև ժողովուրդը և նրա ծոցից ծնված ՀՀ Զինված ուժերը»,- ասաց նախարարը:
Հարցին՝ ինչպե՞ս կմեկնաբանի Իլհամ Ալիևի հայտարարությունը, թե բանակցությունները տապալված են, նախարարն ասաց. «Դե՝ եթե չի բանակցում, իր համար բանակցություններ գոյություն չունեն»:
Դիտարկմանը, որը Ալիևը բանակցությունները տապալելու համար հայկական կողմին է մեղադրում, Դավիթ Տոնոյանն արձագանքեց․ «Բա հո ինքն իրեն չի՞ մեղադրելու: Իրականում ինքն իրեն պետք է մեղադրի, մեղադրում է հայկական կողմին»:
«Անհոգ եղեք, մենք ուժեղ ենք, տոկուն ենք և միայն ու միայն հաղթանակներ ենք ունենալու: Մաղթում եմ մեր ժողովրդին ուժ և տոկունություն՝ հաղթահարելու այն բոլոր փորձությունները, որոնք հնարավոր են: Ես վստահ եմ, որ մեր ժողովուրդը միայն ու միայն հաղթանակներ է ունենալու, որովհետև մեր ցանկացածը, մեր կամեցածն արդար է»,- ընդգծեց նախարարը:
Անդրադառնալով դիտարկմանը, թե տավուշյան դեպքերից հետո Սերժ Սարգսյանը հարց բարձրացրեց պարգևատրումների մասին, Դավիթ Տոնոյանը նշեց, որ 71 հոգուն պարգևատրելն արդարացված էր:
Մանրամասները՝ տեսանյութում:
