15.12.2025 | 11:22
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
Գևորգ Լոռեցյանը դատարան էր բերվել, սակայն նիստը հետաձգվեց. ՏԵՍԱՆՅՈՒԹ
Հասարակություն
18.09.2020 | 17:29
Երևանի ընդհանուր իրավասության դատարանում, դատավոր Արտուշ Գաբրիելյանի նախագահությամբ, այսօր կայացավ Կրթության, գիտության, մշակույթի և սպորտի (ԿԳՄՍ) նախկին փոխնախարար Գևորգ Լոռեցյանի գործով դատական նիստը:
Ամբաատանյալներից էդուարդ Հովհաննիսյանի պաշտպանը դատարան չէր եկել և գրությամբ խնդրել էր իր բացակայությունը համարել հարգելի և դատական նիստը հետաձգել, քանի որ փաստաբանը այլ գործով դատական նիստի է: Չէր ներկայացել նաև թարգմանիչը, դատավորը որոշեց հետագա նիստերն անցկացնել առանց նրա և թարգմանիչ ներգրավել փաատաթղթերի հետազոտման ժամանակ:
Լոռեցյանի պաշտպանը խնդրեց գոնե քննարկել իր պաշտպանյալի տեսակցությունների և հեռախոսազանգերի վրա դրված արգելքը հանելու վերաբերյալ միջնորդությունը, սակայն դատավորը որոշեց հետաձգել դատական նիստը:
Ավելի վաղ հայտնել էինք, որ դեկտեմբերի 5-ին կաշառք ստանալու կասկածանքով Գևորգ Լոռեցյանը, նրա վարորդն ու ֆուտբոլային ակումբներից մեկի նախագահը ձերբակալվել են, ավելի ուշ՝ կալանավորվել։ ԱԱԾ-ի ձեռք բերած նախնական տվյալների համաձայն՝ նախարարի տեղակալը նախարարության ենթակա հիմնարկների կարիքների համար մարզագույքի և մարզահագուստի ձեռքբերման նպատակով հայտարարված մրցույթներում աջակցություն է ցուցաբերել մի տնտեսավարողի, որը Հայաստանում գործող ֆուտբոլային ակումբներից մեկի նախագահն է և միաժամանակ նաև մի շարք մատակարարող ընկերությունների փաստացի ղեկավարը: Մրցույթներում հաղթելու դիմաց փոխնախարարն իր վարորդի օժանդակությամբ պայմանավորվածություն է ձեռք բերել ստանալ առանձնապես խոշոր չափերով կաշառք։
Լիլիթ Շաբոյան
