Հ1-ում այսօր ժողով է լինելու. ո՞վ կզբաղեցնի տնօրենի պաշտոնը

Հասարակություն

17.09.2020 | 17:17

Լուրեր

14.12.2025 | 21:40

Ոստիկանությունը ձերբակալել է Բրաունի համալսարանում կրակ բացելու մեջ կասկածվողին

14.12.2025 | 20:34

Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում

14.12.2025 | 20:28

Գլխավոր տոնածառի լույսերը վառվեցին

14.12.2025 | 19:26

Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին

14.12.2025 | 18:20

Թաիլանդն ու Կամբոջան շարունակում են ռազմական գործողությունները

14.12.2025 | 17:25

Իրավիճակը ճանապարհներին՝ 17։15-ի դրությամբ

14.12.2025 | 16:37

Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան

14.12.2025 | 16:13

ՀԱԿ նախագահ է վերընտրվել Լևոն Տեր-Պետրոսյանը

14.12.2025 | 15:42

Կյանքից հեռացել է մանկական վիրաբույժ Ավթանդիլ Հարությունյանը

14.12.2025 | 15:17

Ուկրաինան հարվածել է Ուրյուպինսկի նավթաբազային և Յարոսլավլի նավթավերամշակման գործարանին

14.12.2025 | 14:50

10 մարդ է զոհվել Սիդնեյի Բոնդի-Բիչ լողափում Հանուկայի տոնակատարության ժամանակ տեղի ունեցած հրաձգության հետևանքով

14.12.2025 | 14:02

Մառախուղ, քամու ուժգնացում․ օդի ջերմաստիճանը կնվազի

14.12.2025 | 13:41

Անհայտ անձինք կրակ են բացել Ավստրալիայի լողափում

14.12.2025 | 13:28

Բռնցքամարտի Հայաստանի հավաքականը պատմական արդյունքով է վերադարձել հայրենիք

14.12.2025 | 13:11

ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել

Բոլորը

Սեպտեմբերի 18-ը Հանրային հեռուստաընկերության գործադիր տնօրենի թափուր պաշտոնի համար հայտարարված մրցույթի հայտերի ընդունման վերջնաժամկետն է: Հանրային հեռուստառադիոընկերության խորհրդից Factor.am-ին փոխանցել են, որ Հ1-ի տնօրենի պաշտոնը զբաղեցնելու հայտ ներկայացրել է հինգ թեկնածու:

Կառույցից թեկնածուների անունները չեն հայտնում՝ նշելով, որ ցանկը կհրապարակեն առաջիկայում: Հանրային հեռուստաընկերության գործադիր տնօրենի հավանական թեկնածուներից մեկն այս պահին տնօրենի պարտականություններն իրականացնող Արմեն Սարգսյանն է: Վերջինս մինչ ժ/պ նշանակվելը ՀԸ-ի էքսկլյուզիվ պրոդյուսերն էր: Արմեն Սարգսյանն ասաց, որ դեռ վերջնական որոշում չունի՝ տնօրենի մրցույթին մասնակցելու է, թե՝ ոչ, սակայն նշեց, որ այդ հարցով այսօր Հանրայինի գործընկերների հետ ժողով է ունենալու: Ըստ Սարգսյանի, եթե գործընկերները մեծավմասամբ համաձայնություն տան, ապա ինքը մրցույթին կմասնակցի:

Թեկնածուների ցանկում շրջանառվում է նաև վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրեն Հովհաննես Մովսիսյանի անունը։ Թեմայի շուրջ նրանից մեկնաբանություն ստանալ չհաջողվեց, նա մեր զանգերը և հաղորդագրությունն անպատասխան թողեց:

Հիշեցնենք՝ Հանրային հեռուստաընկերությունում ղեկավար կազմի փոփոխություն տեղի ունեցավ այն բանից հետո, երբ համացանցում հայտնվեցին վարչապետ Նիկոլ Փաշինյանի՝ ապրիլի 17-ի հեռուստաուղերձի ուղիղ եթերից դուրս մնացած կադրերը: Արդյունքում պաշտոնանկ արվեցին գործադիր տնօրեն Մարգարիտա Գրիգորյանը, հեռուստաընկերության պրոդյուսեր Վարդան Հակոբյանը և լրատվական բաժնի տնօրեն Պետրոս Ղազարյանը, որը, սակայն, շարունակեց վարել հարցազրույցներ:

Մինչ այսօր լրատվական ծառայությունը նոր տնօրեն չունի:

Նարեկ Կիրակոսյան