15.01.2026 | 11:52
Թրամփը հայտարարել է, որ Իրանում մահապատիժները դադարեցվել են. իրավապաշտպանները հայտնում են ավելի քան 3400 զոհի մասին
Ադրբեջանը սխալ էր, մենք՝ ճիշտ․ ասում էր՝ 24 ժամում ուժով կլուծեն Ղարաբաղի հարցը․ Փաշինյան. ՏԵՍԱՆՅՈՒԹ
Քաղաքականություն
16.09.2020 | 17:17
ԱԺ նիստում Կառավարության հետ հարցուպատասխանի ժամանակ անկախ պատգամավոր Արման Բաբաջանյանը հարց ուղղեց վարչապետ Նիկոլ Փաշինյանին, թե ղարաբաղյան խնդրի կագավորման շուրջ բանակցություններն ո՞ւր են հասել։
Բաբաջանյանը նաև հետաքրքրվեց՝ ի՞նչ է նշանակում ԵԱՀԿ Մինսկի խմբի համանախագահների՝ վերջերս արած հայտարարությունը։
«ԵԱՀԿ Մինսկի խմբի համանախագահների հայտարարությունը համարում եմ կառուցողական, և հայտարարությունը մեր բանակցային գործընթացը վերականգնելու կամ շարունակելու մեր պատկերացումներին համապատասխանում է: Մենք ունենք բանակցային գործընթացում սկզբունքներ, արձանագրել ենք այդ սկզբունքները, բայց ասել ենք նաև, որ այդ սկզբունքները չենք համարում նախապայման, որ մենք՝ ա՛յ, մինչև այս հարցերը չլուծվեն, չենք բանակցի, որովհետև եթե բոլոր հարցերը լուծվել են, էլ բանակցելու կարիք չկա: Իմ ընկալումը հետևյալն է, որ նախապայման ունի Ադրբեջանը, ով ասում է, որ Ղարաբաղը պետք է լինի բացառապես Ադրբեջանի մաս: Ես այդպես եմ ընկալում»,- հայտարարեց վարչապետ Փաշինյանը:
Նա հավելեց, որ հուլիսյան մարտերից առաջ Ադրբեջանի կողմից լսում էինք ռազմատենչ հայտարարություններ, որոնք ընդհանրապես համահունչ չէին բանակցային գործընթացին։
«Կարծում եմ, որ միջազգային հանրության դիրքորոշումը շատ հստակ է, և որ Ղարաբաղի հարցն ունի խաղաղ բանակցային լուծում, իսկ հուլիսյան մարտերը փոխեցին հետևյալ տրամաբանությունը․ մենք ասում էինք, որ Հայաստանի հետ չի կարելի խոսել ուժի լեզվով, Ադրբեջանն ասում էր՝ իրենք 24 ժամվա ընթացքում ուժով կլուծեն Ղարաբաղի հացը։ Պարզվեց՝ Ադրբեջանը սխալ էր, մենք ճիշտ էինք»,- նշեց վարչապետը։
Մանրամասները՝ տեսանյութում։
