19.09.2026 | 01:11
ԱԺ պատգամավորներին Անկախության 35-ամյակի առթիվ պարգևավճարներ կտրվեն․ «Ուժեղ Հայաստանի» ներկայացուցիչները կհրաժարվեն դրանցից
Վախենալու որևէ բան չունենք. դեմ չենք կորոնավիրուսի հարցով քննիչ հանձնաժողովի ստեղծմանը. Հրաչյա Հակոբյան. ՏԵՍԱՆՅՈՒԹ
Քաղաքականություն
15.09.2020 | 21:02
Այսօր խորհրդարանում քննարկվեց կորոնավիրուսի դեմ պայքարի հարցով կառավարության աշխատանքն ուսումնասիրող քննիչ հանձնաժողովի անդամների ընտրության հարցը։ Օրենքի ուժով ստեղծված հանձնաժողովի ամբողջական անունն է. Նոր կորոնավիրուսի (COVID 19) տարածումը կանխելու, այդ վիրուսի դեմ պայքարի համաճարակի հետևանքների մեղմման կամ վերացման ուղղությամբ կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունն ուսումնասիրող քննիչ հանձնաժողով:
Իշխանությունն արդյոք մտահոգություն չունի՞ ստեղծված հանձնաժողովի գործունեության համար. այս առնչությամբ «Իմ քայլի» պատգամավոր Հրաչյա Հակոբյանը Factor.am-ի հետ զրույցում նշեց. «Վախենալու որևէ բան չունենք. դեմ չենք կորոնավիրուսի հարցով քննիչ հանձնաժողովի ստեղծմանը։ Այն արդեն իսկ ստեղծվել է։ Կուսումնասիրենք նաև ընդդիմադիրների տարբեր հայտարարություններ, որ վերաբերում էին կորոնավիրուսին»։
Ինչ վերաբերում է ընդդիմության կողմից թեժ աշնան վերաբերյալ տարվող խոսակցություններին՝ պատգամավորն ասաց, որ սպասում են նրանց «թեժ» աշնանը. «Տեսել ենք՝ նախորդ աշունը որքան «թեժ» եղավ, այս աշունն էլ կլինի նույնքան «թեժ»»։
Մանրամասները՝ տեսանյութում:
Մերի Մարտիրոսյան
