15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
«50 հուշանվեր՝ 50-ամյա տուն-թանգարանից». Ալեքսանդր Սպենդիարյանի տուն-թանգարանում կկայանա երկու շնորհանդես
Մշակույթ
08.12.2017 | 15:41
Ս. թ. դեկտեմբերի 14-ին, ժամը 14։00-ին, Ալեքսանդր Սպենդիարյանի տուն-թանգարանում կկայանա երկու շնորհանդես. կգործարկվի «Իմ նվագախումբը» վիրտուալ խաղը և կներկայացվի նոր հուշանվերների շարքը։
Ինտերակտիվ խաղի շնորհիվ 50-ամյա հաստատությունը ևս մի անգամ մուտք կգործի զուգահեռ իրականություն՝ այդ կերպ ընդլայնելով իր սահմանները և հարստացնելով մշտական ցուցադրությունը։ Ինտերակտիվ այս խաղը ժամանցի, ուսուցման համադրություն է և սիմֆոնիկ նվագախմբի կազմին, դասավորությանն ու հնչողությանը ծանոթանալու հնարավորություն։ «Իմ նվագախումբը» ինտերակտիվ-վիրտուալ խաղը մշակել են հաստատության ցուցադրությունների և հանրահչակման բաժնի աշխատակիցները, տեխնիկական կատարումն իրականացրել են «Ինտերակտիվ վորլդ» ընկերության մասնագետները։
«50 հուշանվեր՝ 50-ամյա տուն-թանգարանից» խորագրով շնորհանդեսում կներկայացվի Հայաստանի առաջին երաժշտական տուն-թանգարանի հոբելյանի առիթով ստեղծված հուշանվերները, որոնք կրում են կոմպոզիտորի ստեղծագործությունների բովանդակային շեշտը կամ նրա ժամանակների արտացոլքը: Յուրաքանչյուր հուշանվեր ունի մերօրյա կիրառութուն և գեղագիտական ամբողջություն։ Հուշանվերները ստեղծվել են տուն-թանգարանի աշխատակիցների մտահղացմամբ և իրագործվել տարբեր ընկերությունների ու վարպետների հետ համագործակցության արդյունքում։
