08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
80 հատորի մեջ ԱԱԾ-ից կա ընդամենը երեք նամակ. Ռոբերտ Քոչարյան. ՏԵՍԱՆՅՈՒԹ
Հասարակություն
15.09.2020 | 17:17
Մարտի 1-ի գործով Սահմանադրական կարգի տապալման համար ամբաստանվող նախկին պաշտոնյաների պաշտպանները միջնորդել են ՀՀ հատուկ քննչական ծառայությունից պահանջել և իրենց տրամադրել Մարտի 1-ի՝ նախաքննության փուլում գտնվող մայր գործի ողջ նյութերը՝ պնդումով, որ քննիչը դատարան է ուղարկել միայն մեղադրանքը հիմնավորող ապացույցները, իսկ հերքող ապացույցները չի ուղարկել:
Այս մասին դատարանում խոսեց նաև պաշտոնաթող նախագահ Ռոբերտ Քոչարյանը. «Այն խորհրդակցությունը, որը ես արել եմ փետրվարի 23-ին նախագահականում, հետևանք էր ԵԿՄ-ում գործընթացների, դա էր քննարկվում, բայց այս քրեական գործում մեկ փաստաթուղթ չկա այն մասին, թե ԵԿՄ-ում ինչ էր կատարվում, հետևանքի մասին կա, բայց թե ինչի համար է այդ խորհրդակցությունը եղել, դրա նյութը չկա, հիմա մենք ո՞նց հավատանք, որ այդպիսի նյութեր ընդհանրապես չեն եղել»:
Ռոբերտ Քոչարյանը նշեց, որ քրեական գործի 80 հատորի մեջ առկա է ԱԱԾ-ից ընդամենը 3 նամակ և հարց բարձրացրեց՝ «արդյոք հավատալի՞ է, որ այդպիսի իրադարձությունների դեպքում ԱԱԾ-ում կարող է լինել զրոյական փաստաթուղթ»։
Մանրամասները՝ տեսանյութում։
Լիլիթ Շաբոյան
