08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռոբերտ Քոչարյանի գույքի մի մասը կալանքից ազատվեց
Հասարակություն
15.09.2020 | 15:50
Երևանի ընդհանուր իրավասության դատարանի Շենգավիթի նստավայրում դատավոր Աննա Դանիբեկյանի նախագահությամբ շարունակվում են Մարտի 1-ի իրադարձությունների ժամանակ Սահմանադրական կարգը տապալելու գործով դատական նիստը։
Այսօրվա նիստին դատավոր Աննա Դանիբեկյանը մասնակի բավարարեց Ռոբերտ Քոչարյանի պաշտպանների միջնորդությունը և Քոչարյանին պատկանող գույքի մի մասը ազատեց կալանքից։
Հիշեցնենք, որ գույքն ամբողջությամբ կալանքից ազատելու վերաբերյալ միջնորդությունը քննվում էր դռնփակ կարգով։
Նշենք նաև, որ Մարտի 1-ի գործով տուժողների իրավահաջորդներրը և նրանց ներկայացուցիչները բոյկոտել են նիստերը և չեն մասնակցում դրանց ընթացքին։
Չնայած որ որոշման հրապարակումը պետք է տեղի ունենար դռնբաց կարգով, այնուամենայնիվ, լրագրողներին ներս մտնել չթույլատրեցին և այս պահին հայտնի չէ, թե կոնկրետ որ մասն է կալանքից ազատվել:
Լիլիթ Շաբոյան
