08.04.2026 | 11:20
Պակիստանը ուրբաթ կհյուրընկալի ԱՄՆ-Իրան հրադադարի բանակցությունները
Գագիկ Խաչատրյանը տեղաշարժվում է քայլակի միջոցով. պաշտպան. ՏԵՍԱՆՅՈՒԹ
Հասարակություն
14.09.2020 | 15:09
«Կարծեք փորձ է արվում տպավորություն ստեղծել, որ Գագիկ Խաչատրյանի առողջական վիճակը հենց նոր վատացավ կամ վատանալու մասին տեղեկատվություն ներկայացվեց դատարանին։ Ես նախորդ դատական նիստին ասացի, որ Գագիկ Խաչատրյանն այս մեկ տարվա ընթացքում կարողացել է մասամբ մասնակցել առաջին կալանքի նիստի քննարկմանը, որի ընթացքում ինքնազգացողությունը կտրուկ վատացել է, դրանից հետո բազմաթիվ անգամներ տեղի ունեցած դատական նիստերին Գագիկ Խաչատրյանը մասնակցելու հնարավորություն չի ունեցել։ Չեմ կիսում դատախազի դիտարկումները, որ եթե դատաբժշկական փորձաքննությամբ սահմանվում է, որ Գագիկ Խաչատրյանը ստացիոնար վերջնական բուժօգնության կարիք չունի, բայց դա չի նշանակում, որ Գագիկ Խաչատրյանը կարող է դատական նիստին մասնակցել»,- այսօր Գագիկ Խաչատրյանի և մյուսների գործով դատական նիստի ժամանակ հայտարարեց Խաչատրյանի պաշտպան Ամրամ Մակինյանը։
Դատավոր Արթուր Մկրտչյանը որոշեց նիստը հետաձգել և նշանակել սեպտեմբերի 30-ին, քանի որ Խաչատրյանը ներկա չէր նիստին։
Մանրամասները՝ տեսանյութում։
Լիլիթ Շաբոյան
