06.08.2026 | 21:10
Կառավարությունը շուրջ 5.6 մլրդ դրամ կուղղի 61 մանկապարտեզի շինարարական ծրագրերին
Գագիկ Խաչատրյանը վիրահատության կարիք չունի. դատախազ. ՏԵՍԱՆՅՈՒԹ
Հասարակություն
14.09.2020 | 14:46
Երևանի ընդհանուր իրավասության դատարանում՝ դատավոր Արթուր Մկրտչյանի նախագահությամբ հետաձգվեց ՊԵԿ նախկին նախագահ, Ֆինանսների նախկին նախարար Գագիկ Խաչատրյանի գործով դատական նիստը։
Գագիկ Խաչատրյանը նիստին ներկա չէր առողջական խնդիրների պատճառով. նա գրավոր տեղեկացրել էր դատարանին, որ առողջական խնդիրներով պայմանավորված չի կարող ներկայանալ դատական նիստին ու խնդրել է հետաձգել դատական նիստը։
Գործով մեղադրող դատախազը նկատեց, որ առաջին դատական նիստն է, որին Գագիկ Խաչատրյանը չի ներկայացել, իսկ Քրեական դատավարության օրենսգրքի հստակ պահանջն է՝ ամբաստանյալի պարտադիր մասնակցությունը դատական նիստին, հետևաբար դատական նիստը պետք է հետաձգվի: «Սակայն միաժամանակ միջնորդում եմ դատարանին հարցում կատարել քրեակատարողական ծառայություն՝ Գագիկ Խաչատրյանի այսօրվա դրությամբ առողջական վիճակի վերաբերյալ տեղեկություններ ստանալու համար»,- նշեց դատախազը։
Դատախազի հավաստմամբ, դատաբժշկական փորձաքննության եզրակացության համաձայն, Խաչատրյանը վիրահատության կարիք չունի։
Մանրամասները՝ տեսանյութում:
Լիլիթ Շաբոյան
