26.08.2026 | 07:53
Սեդրակ Քոչարյանը կալանավորվել է
Ձեր նախկին կապվածությունները Ձեզ չե՞ն խանգարի. պատրա՞ստ եք ՍԴ-ում իրավիճակը վերափոխել. Գայանե Աբրահամյանը՝ Խունդկարյանին. ՏԵՍԱՆՅՈՒԹ
Քաղաքականություն
14.09.2020 | 13:14
ԱԺ-ում այսօր ՍԴ դատավորների թեկնածուների ընտրության հարցի քննարկման ժամանակ դիմելով ՍԴ թեկնածու Երվանդ Խունդկարյանին՝ ԱԺ «Իմ քայլը» խմբակցության պատգամավոր Գայանե Աբրահամյանը նշեց. «Շատ կարևոր ցուցիչ են ՄԻԵԴ-ում քննված գործերը: Վճռաբեկ դատարանում քննված գործերի մասով բավականին լուրջ վիճակագրություն ունենք, մի քանի հարյուր գործերում մարդու իրավունքների խախտումներ են արձանագրվել, հատկապես այնպիսի խախտումներ սեփականության իրավունքի վերաբերյալ գործերում, որոնք ամրապնդել են նախկին կոռուպցիոն համակարգի հիմքերը: Ձեր նախկին աշխատանքը, նախկին կապվածությունները չե՞ն խանգարի, որքանո՞վ եք պատրաստ ՍԴ-ում իրավիճակը վերափոխելու, սահմանադրականության վերականգնման և դատարանի նկատմամբ վստահության վերականգնման աշխատանքին՝ ելնելով իրավունքի գերակայության սկզբունքից»:
Երվանդ Խունդկարյանն արձագանքեց՝ ընդգծելով, որ դատական գործընթացների ժամանակ չի բացառվում սխալների առկայությունը, դրա համար կա բողոքարկման ինստիտուտ, որով մարդը հնարավորություն ունի հասնել իր իրավունքների պաշտպանվածությանը:
ՍԴ դատավորի թեկնածուն նաև հավելեց, որ իր նախկին աշխատանքը ոչ թե խանգարելու է, այլ հակառակը՝ օգտակար է լինելու, և իր փորձն օգնելու է ՍԴ դատավորի իր աշխատանքում:
Մանրամասները՝ տեսանյութում:
