01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Ես էլ եմ լուրջ մասնակցություն ունեցել հեղափոխությանը. սպասում ենք՝ խոստումները կատարվեն. Վարդան Ղուկասյան. ՏԵՍԱՆՅՈՒԹ
Քաղաքականություն
14.09.2020 | 13:18
Եթե մարդ ինչ-որ բան հայտարարում է, ուրեմն զգում է իր վրա, իր թիմակիցների վրա, որ հայտարարում է: Այս մասին այսօր խորհրդարանում լրագրողների հետ զրույցում նշեց ԱԺ «Բարգավաճ Հայաստան» խմբակցության պատգամավոր Վարդան Ղուկասյանը՝ անդրադառնալով ԲՀԿ առաջնորդ Գագիկ Ծառուկյանի հայտարարությանը, թե ամբողջ պետական ապարատը հանել են իր և ԲՀԿ-ի դեմ:
Հարցին՝ ինչպես է արտահայտվում պետական ապարատն իրենց դեմ հանելը, Ղուկասյանն արձագանքեց, որ պատրաստ չէ այս պահին այդ հարցին պատասխանելու. «Այո՛, զարգացումներ կան բոլորի նկատմամբ, այդ թվում՝ իմ նկատմամբ»:
Անդրադառնալով դիտարկմանը, որ իշխանությունը թերահավատորեն է մոտենում ԲՀԿ-ի հայտարարած հանրահավաքին, քանի որ ժողովուրդն արդեն իր ընտրությունը կատարել է և վստահության քվեով ձևավորվել է իշխանություն, Վարդան Ղուկասյանը նշեց. «Շատ մարդիկ, որ մտածում են, թե իրենք այնքան բան են արել ազգի համար, որ իրենց ժողովուրդը ձայն է տվել, չարաչար սխալվում են։ Նախկին իշխանությունների վատ աշխատանքի կապակցությամբ են իրենց ձայն տվել, և ժողովուրդը սպասում է խոստումների կատարմանը… Ես էլ եմ լուրջ մասնակցություն ունեցել հեղափոխությանը։ Սպասում ենք՝ խոստումները կատարվեն»:
Մանրամասները՝ տեսանյութում:
