01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Հայաստանը կմասնակցի «Կովկաս-2020» զորավարժությունների ցամաքային մասին
11.09.2020 | 23:03
«Կովկաս-2020» ռազմավարական հրամանատարաշտաբային զորավարժություններին կմասնակցեն ՀՀ Զինված ուժերի տանկային և մոտոհրաձգային ստորաբաժանումները: Տեղեկությունը հայտնել է ՀՀ ՊՆ մամուլի քարտուղար Շուշան Ստեփանյանը։
Նրա խոսքով՝ հայ զինծառայողները կգործեն «Ալագյազ» բարձրլեռնային զորավարժարանում(Հայաստան) և «Աշուլուկում» (Աստրախանի մարզ):
Զորավարժություններին մասնակցելու համար Ռուսաստանը զինծառայողներ է հրավիրելՀայաստանից, Բելառուսից, Չինաստանից, Մյանմայից, Պակիստանից, Ադրբեջանից և Իրանից։ Ավելի վաղ Ռուսաստանի պաշտպանության նախարար Սերգեյ Շոյգուն հայտարարել էր, որ «Կովկաս-2020» զորավարժությանը նախատեսվում է 9 օտարերկրյա պետությունների զորակազմերի մասնակցությունը:
Հիշեցնենք, որ զորավարժությունները կանցկացվեն սեպտեմբերի 21-26-ը։
