08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մեր անվտանգության երաշխիքներից մեկը մարտունակ թիկունք ունենալն է․ Սոֆյա Հովսեփյանը՝ աշխարհազորի մասին. ՏԵՍԱՆՅՈՒԹ
Քաղաքականություն
11.09.2020 | 11:24
Պաշտպանության նախարարությունը հանրային լայն քննարկման է ներկայացրել «Տեղական ինքնակառավարման մասին» Հայաuտանի Հանրապետության օրենքում լրացումներ կատարելու մասին» օրենքի նախագիծը, որի համաձայն՝ սահմանվում են տեղական ինքնակառավարման մարմիններում աշխարհազորի ստեղծման և ղեկավարման, աշխարհազորայինների հավաքագրման հետ կապված հարաբերությունները:
«Սա ամենակարևոր օրենսդրական փաթեթն է, որին պետք է կողմ քվեարկեմ, այն նույնիսկ ուշացած է»,- «Հայկական աշխարհազոր. պաշտպանություն, անվտանգություն և մարդու իրավունքներ» թեմայով քննարկման ժամանակ այս մասին ասաց «ԱԺ Իմ քայլը» խմբակցության պատգամավոր Սոֆյա Հովսեփյանը:
Պատգամավորի խոսքով՝ Ապրիլյան պատերազմն ի ցույց դրեց, որ եթե լայնամասշտաբ պատերազմ սկսվի, շատերը ցանկություն կհայտնեն լինել առաջնագծում և պայքարել հանուն երկրի անվտանգության:
«Քանի որ պատերազմն ավարտված չէ, Արցախի հարցը դեռ բանակցային փուլում է, և մենք ունենք մի թշնամի, որը ոչ մի արժեք հաշվի չի առնում, ինչը երևաց նաև տավուշյան հակամարտության ժամանակ, մենք պետք է պատրաստ լինենք: Եթե կրկին անհրաժեշտություն լինի՝ կանգնել զինվորի կողքին, մենք պետք է ոչ միայն հուզական ռեակցիա դրսևորենք, այլ նախապես պատրաստված լինենք: Մարտունակ բանակի կողքին պետք է լինի նաև մարտունակ հասարակություն»,- նշեց Սոֆյա Հովսեփյանը՝ ընդգծելով, որ մեր անվտանգության երաշխիքներից մեկը մարտունակ թիկունք ունենալն է:
Մանրամասները՝ տեսանյութում:
