17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Բացառված է, որ ապրիլյան հանձնաժողովի որևէ փաստաթուղթ հայտնվի այլ անձի մոտ. Արմեն Խաչատրյան. ՏԵՍԱՆՅՈՒԹ
Քաղաքականություն
09.09.2020 | 17:00
Վստահ եմ, որ այդ մարդու մտքի վերլուծության արդյունքն է։ Բայց մենք ուսումնասիրելու ենք, թե ինչու է օգտատերն ասում՝ ապրիլյանի արձանագրություն է իր աչքի տակ ընկել։ Այդ մասին այսօր ԱԺ-ում ասաց իշխող ուժի պատգամավոր Արմեն Խաչատրյանը՝ արձագանքելով ֆեյսբուքյան օգտատեր Գարիկ Ղազարյանի գրառմանը, որում վերջինս, մասնավորապես, նշել էր. «Ընկերներ ջան, աչքովս ընկավ Ապրիլյան պատերազմի մասով ԱԺ քննիչ հանձնաժողովի մեկ-երկու արձանագրություն։ Ճիշտն ասած, այն չանվանել որպես խայտառակություն պարզապես չեմ կարող և մեղք է։ Փաստորեն, իբր հերքվում է, թե տանկերում վառելիքի փոխարեն ջուր է եղել , զենքի ու փամփուշտի խնդիր է եղել , Խաչատուրովը «բիլիարդ խաղալուց» է եղել, մինչդեռ բոլորս ենք հիշում անգամ այդ ժամանակվա վարչապետ Կարեն Կարապետյանի հայտարարությունները, տարբեր զինվորների, սպաների ու զինվորականների «գոռոց-գոչոցները»»։
«Բացառված է, որ ապրիլյան հանձնաժողովի որևէ փաստաթուղթ հայտնվի այլ անձի մոտ»,- շեշտեց պատգամավորը։
Նշենք, որ ավելի ուշ ֆեյսբուքյան օգտատերը խմբագրել էր գրառումը՝ նշելով, թե իր աչքով ոչ թե արձանագրություն, այլ հայտարարություն է ընկել։
Մանրամասները՝ տեսանյութում:
Մերի Մարտիրոսյան
