18.12.2025 | 23:24
ՀՀ տարածքում ավտոճանապարհները հիմնականում անցանելի են
ԲՀԿ-ին լռեցնելու նպատակ չունենք. թող վերջի տեղն ասեն, կարող է մենք էլ իրենց հետ գնանք. Անդրանիկ Քոչարյան. ՏԵՍԱՆՅՈՒԹ
Քաղաքականություն
09.09.2020 | 13:33
«Իշխանությունը չի կարող նման գործընթացներին ո՛չ խոչընդոտել, ո՛չ էլ պատվեր իջեցնել, թե ում բռնեն, ում չբռնեն»,- այս մասին խորհրդարանում լրագրողների հետ զրույցում ասաց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով դիտարկմանը, որ խորհրդարանի աշխատանքները շուտով կվերսկսվեն, իսկ ԲՀԿ-ական պատգամավորները խոսում են հարուցված քրեական գործերի մասին:
Դիտարկմանը, որ Նաիրա Զոհրաբյանը մտահոգություն է հայտնում իրեն գաղտնալսելու առնչությամբ, Անդրանիկ Քոչարյանը հորդորեց փաստերը ներկայացնել համապատասխան մարմիններին՝ ընդգծելով, որ իշխող ուժը ԲՀԿ-ին լռեցնելու նպատակ չունի:
Անդրադառնալով ԲՀԿ խմբակցության պատգամավոր Արման Աբովյանի հայտարարությանը՝ «մինչև վերջ գնալու ենք, մեզ չեն կարող կանգնեցնել», Քոչարյանն արձագանքեց․ «Ո՞ւր են գնում, մինչև վերջը որտե՞ղ է, տեղը թող ասեն, մենք էլ կարող ենք իրենց հետ գնալ, եթե դա մեր երկրի համար հեռանկար է ապահովում»:
Մանրամասները՝ տեսանյութում:
