18.11.2024 | 11:14
Անկարան հաստատում է․ Թուրքիան արգելափակել է COP29-ին մասնակցելու մեկնող Իսրայելի նախագահի թռիչքը
Առաջին 3 միավորը․ Հայաստանի հավաքականը հաղթեց Էստոնիայի ընտրանուն
08.09.2020 | 22:19
Ազգերի լիգայի երկրորդ տուրում Հայաստանի հավաքականը սեփական հարկի տակ ընդունեց Էստոնիայի ընտրանուն և առավելության հասավ 2։0 հաշվով։ Հայաստանի հավաքականի կազմում գոլի հեղինակ դարձան Ալեքսանդր Կարապետյանն ու Վբեյմար Անգուլոն. գրում է armsport-ը:
Հանդիպումն ակտիվ սկսեցին հյուրերը երկու անգամ փորձելով սպառնալ Յուրչենկոյի դարպասին։ 9-րդ րոպեին Հայաստանի հավաքականն աջ եզրում ստացավ տուգանայինի իրավունք, որն իրացրեց Տիգրան Բարսեղյանը, սակայն Աստանայի հարձակվողի հարվածը բարձր ստացվեց։ 12-րդ րոպեին Անգուլո Վբեյմարը մրցակցի կիսադաշտում խախտեց կանոնները և զգուշացվեց դեղին քարտով։ Առաջին կեսի միջնամասում գնդակին ավելի շատ տնօրինում էր Հայաստանի հավաքականը։ Մեկ երկու հեռահար հարվածի փորձ կատարեց Տիգրան Բարսեղյանը, սակայն մրցակցի պաշտպանները կարողանում էին ճիշտ ժամանակին փակել գնդակի ճանապարհը։ 44-րդ րոպեին Կորյանի փոխանցումից հետո Ալեքսանդր Կարապետյանը գեղեցիկ հարվածով գնդակն ուղարկեց մրցակցի դարպասը։
Երկրորդ խաղակեսում Հայաստանի հավաքականի գրոսհներն ավելի վտանագվոր էին։ 55-րդ րոպեին Տիգրան Բարսեղյանը շրջանցելով մրցակցի երկու ֆուտբոլիստի՝ փորձեց հարվածով գրավել դարպասը, սակայն մրցակցի դարպասապահը գնդակը հանեց անկյունային։ Հանդիպման 65-րդ րոպեին հավաքականում իր նորամուտը նշեց Վահան Բիչախչյանը և խաղադաշտ դուրս գալու մեկ րոպե անց երիտասարդ ֆուտբոլիստը կարող էր հերոսանալ, սակայն նպաստավոր դիրքից հարված կատարեց և մրցակցի դարպասապահը հետ մղեց գնդակը, խառնաշփոթից հետո գնդակը հայտնվեց Անգուլո Վբեյմարի մոտ, ով մոտ 25 մետր հեռավարությունից հուժկու հարվածով կրկնապատկեց Հայաստանի հավաքականի առավելությունը։
