19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Տուժողներն ու իրավահաջորդները վարույթից չեն հեռացվի. դատարան. ՏԵՍԱՆՅՈՒԹ
Հասարակություն
08.09.2020 | 14:45
Մեկամսյա դադարից հետո այսօր Երևանի ընդհանուր իրավասության դատարանում՝ նախագահությամբ դատավոր Աննա Դանիբեկյանի, վերսկսվեցին սահմանադրական կարգի ենթադրյալ տապալման գործով լսումները։
Դատարանն անդրադարձավ ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանի՝ դատակոչի ցուցակում ներառված 102 հոգուն որպես գործով վկա հրավիրելու միջնորդությանը: Պաշտպանը նշեց, որ մեղադրող կողմը անհասկանալի չաափանիշներով է տուժողներին ընդգրկել դատակոչի ցուցակում։ Նա հիշեցրեց, որ ՀՔԾ-ում քննվող գործով տուժող է ճանաչվել 228 հոգի, որոնք, ըստ Դատախազության, պետք է դատակոչվեին այս նիստին։ Սակայն դատակոչվել են ընդհամենը 102 հոգի։ Նա նաև երկու ցուցակ ներկայացրեց․ մեկում ընդգրկված են տուժող ճանաչված 126 հոգի, որոնք, սակայն դատակոչված չեն, իսկ մյուսում՝ դատակոչված 102 տուժողները։
«Կամ այստեղ տուժող ընդհանրապես չկա, կամ կա 228 տուժող։ Անհասկանալի է, թե ինչ չափանիշներով է որոշվում՝ տվյալ անձը տուժո՞ղ է, թե՞ ոչ, պե՞տք է հարցաքննվի դատարանում, թե՞ ոչ», – ասաց Ալումյանը։
Մեղադրող կողմը ոչ հիմնավոր համարեց պաշտպանների ներկայացրած փաստարկները և առարկեց միջնորդության դեմ։
Լսելով պաշտպանական և մեղադրող կողմերին՝ դատարանը գտավ, որ տուժածների դատավարական կարգավիճակի փոփոխության կարիք չկա։
Նշենք, որ այսօրվա դատական նիստին տուժողներն ու նրանց ներկայացուցիչները չեն ներկայացել։
Լիլիթ Շաբոյան
