18.11.2024 | 14:16
Վստահ եմ, որ ՆԳ նախարարությունը կշարունակի առաջնորդվել մեր որդեգրած բարձր արժեքներով և սկզբունքներով․ Վահե Ղազարյան
Հրայր Թովմասյանի սանիկը ինքնամեկուսացել է․ դատական նիստը հետաձգվեց
Հասարակություն
07.09.2020 | 17:48
Երևանի ընդհանուր իրավասության դատարանի Կենտրոնի նստավայրում դատավոր Տաթևիկ Գրիգորյանի նախագահությամբ այսօր հետաձգվեց Սահմանադրական դատարանի դատավոր Հրայր Թովմասյանի և նրա սանիկ՝ Նորայր Փանոսյանի գործով դատական նիստը։
Նիստին չէր ներկայացել Փանոսյանը, նա պարետատան որոշումն էր ուղարկել դատարան իրեն ցուցված ինքնամեկուսացման վերաբերյալ։
Հրապարակված փաստաթղթից պարզ դարձավ, որ Փանոսյանի մայրը վարակվել է կորոնավիրուսային հիվանդությամբ, որդին էլ համարվում է կոնտակտավոր անձ։ Մեղադրողը չառարկեց, որպեսզի նիստը հետաձգվի։
Դատական նիստը նշանակվեց սեպտեմբերի 14-ին։ Դատարանում Հրայր Թովասյանը լրագրողների հարցրին պատասխանել չցանկացավ, միայն մեր հարցին, թե այլևս չե՞ք գնում ՍԴ, ճգնաժամը լուծվե՞ց, Թովմասյանը նշեց, որ շարունակում է գնալ Սահմանադրական դատարան։
Հիշեցնենք՝ Հրայր Թովմասյանին մեղադրանք է առաջադրվել ՀՀ քրեական օրենսգրքի 308-րդ հոդվածի հատկանիշներով՝ պաշտոնեական լիազորությունները չարաշահելու համար։ Իսկ նրա սանիկը՝ ՀՀ արդարադատության նախկին բարձրաստիճան պաշտոնյա Նորայր Փանոսյանը, մեղադրվում է ՀՀ ՔՕ-ի 308-րդ հոդվածի 2-րդ մասով, այն է՝ պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ։
