20.05.2026 | 20:06
«Վերջին զանգի» միջոցառումներով պայմանավորված՝ կիրականացվի ուժեղացված ծառայություն. ՆԳՆ
Համավարակը ուղղակի հիվանդությունից վերածվել է քաղաքական պայքարի․ Արման Բաբաջանյան. ՏԵՍԱՆՅՈՒԹ
04.09.2020 | 12:31
Ակնհայտ է, որ արտակարգ դրության ռեժիմը լուրջ բեռ է պետության համար, բայց խնդիրն այն է, որ նոր նախագծով սահմանվող այս նոր կարանտինն ավելի ծանր բեռ է դառնալու պետության համար։ Այս մասին այսօր ԱԺ արտահերթ նիստում ասաց անկախ պատգամավոր Արման Բաբաջանյանը։
Նրա խոսքով՝ այս փոփոխություններն առաջին հերթին քաղաքական հարց է, քանի որ կորոնավիրուսի համավարակն աշխարհում ու նաև Հայաստանում ուղեկցվում է բազմաթիվ ու բազմաշերտ քաղաքական գործընթացներով, համավարակն էլ ուղղակի հիվանդությունից վերածվել է քաղաքական պայքարի գործիքի։
«Օրինագծով ներմուծվող տասնյակից ավելի սահմանափակումներն օրինագծի իմպերատիվ ոգին զրկում է ներառականությունից։ Դրանով մենք քաղաքացուն դարձնում ենք համավարակի պայմաններում ոչ թե պետության դաշնակից, այլ նրան օտարում ենք պետությունից՝ ուղերձ հղելով, որ համավարակի դեմ պայքարի կանոններին պետք է հետևել միայն չտուգանվելու համար»,- նշեց պատգամավորը։
Հիշեցնենք, որ ԱԺ-ն այսօր քննարկում է Կառավարության ներկայացրած օրենսդրական փաթեթը, որի ընդունումը հնարավորություն կտա այլևս չերկարաձգել Հայաստանում հայտարարված արտակարգ դրությունը:
Մանրամասները՝ տեսանյութում։
