Քաղաքականություն
04.09.2020 | 12:28Այսօր ԱԺ արտահերթ նիստում առաջին ընթերցմամբ ընդունվեց Կառավարության ներկայացրած օրենսդրական փաթեթը, որի ընդունումը հնարավորություն կտա այլևս չերկարաձգել Հայաստանում հայտարարված արտակարգ դրությունը:
«Հայաստանի Հանրապետության բնակչության սանիտարահամաճարակային անվտանգության ապահովման մասին» օրենքում փոփոխություն և լրացումներ կատարելու մասին» և կից ներկայացված օրենքների փաթեթն ընդունվեց ձայների 80 կողմ և 28 դեմ հարաբերակցությամբ։ Նախագծին դեմ քվեարկեցին «Լուսավոր Հայաստան» և Բարգավաճ Հայաստան» խմբակցությունները։
Ըստ նախագծի՝ վարակիչ հիվանդությունների՝ Հայաստանի Հանրապետության տարածք ներբեռնման, ներթափանցման, դրանց ծագման և տարածման վտանգի, բռնկումների, համաճարակի առաջացման, ինչպես նաև դրանց հետևանքով արտակարգ իրավիճակ առաջանալու դեպքերում կարող է սահմանվել կարանտին:
Նշենք, որ նախագիծը ԱԺ նիստում քննարկվում է 24-ժամյա ընթացակարգով։ Պատգամավորները 3 ժամ ունեն՝ առաջարկություններ ներկայացնելու համար։
Մանրամասները՝ տեսանյութում։
