13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Այս փաթեթով 11 նոր տուգանքի ձև է ավելանում՝ մինչև 500 հազար դրամ․ Նաիրա Զոհրաբյան. ՏԵՍԱՆՅՈՒԹ
Հասարակություն
04.09.2020 | 12:01
Հայաստանը, արտակարգ դրության ռեժիմը փոխելով արտակարգ իրավիճակի ռեժիմի, լրջագույն խնդիր է ունենալու սահմանների բացման հետ կապված։ Այս մասին այսօր ԱԺ արտահերթ նիստում ասաց «Բագավաճ Հայաստան» խմբակցության պատգամավոր Նաիրա Զոհրաբյանը։
«Դուք այստեղ չասացիք՝ ի վերջո Հայաստանի սահմանները բացվելո՞ւ են, թե՞ չէ։ Էս մարդիկ կարողանալո՞ւ են մեկնել։ Երեխաները դասի պետք է գնան, մարդիկ կորցնում են իրենց աշխատանքը, մարդկանց հետ խզում են իրենց աշխատանքային պայմանագրերը, որովհետև չեն կարողանում մեկնել»,- նշեց Զոհրաբյանը։
Նրա խոսքով՝ Կառավարության առաջարկած փաթեթով 11 նոր տուգանք է սահմանվում՝ մինչև 500 հազար դրամի չափով։ «Սա շատ ավելի խնդիրներ է առաջացնելու, էն որ ասում են՝ «хотелось лучше, получилось как всегда»։ Սա հակասում է ՀՀ Սահմանադրությանը՝ 39, 66, 77, 80 հոդվածներին»,- նշեց պատգամավորը։
Հիշեցնենք, որ ԱԺ-ն այսօր քննարկում է Կառավարության ներկայացրած օրենսդրական փաթեթը, որի ընդունումը հնարավորություն կտա այլևս չերկարաձգել Հայաստանում հայտարարված արտակարգ դրությունը:
Մանրամասները՝ տեսանյութում։
