27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Սեպտեմբերի 12-ից հետո Կառավարության կողմից կարանտին կհայտարարվի՞․ Մարուքյանը՝ Գրիգորյանին. ՏԵՍԱՆՅՈՒԹ
Քաղաքականություն
04.09.2020 | 11:40
Սեպտեմբերի 12-ին արտակարգ դրության ավարտից հետո Կառավարության կողմից արդյո՞ք կարանտին կհայտարարվի։ Այս հարցն այսօր Ազգային ժողովի արտահերթ նիստում արդարադատության փոխնախարար Ռաֆիկ Գրիգորյանին ուղղեց «Լուսավոր Հայաստան» խմբակցության ղեկավար Էդմոն Մարուքյանը։
Փոխնախարարը նշեց, որ օրենսդրական փաթեթը նախաձեռնելու նպատակն այնպիսի գործիքակազմի ապահովումն է, որով, առանց արտակարգ դրության իրավական ռեժիմի, հնարավոր լինի պայքարել համավարակի դեմ։
«Այսինքն, եթե օրենսդրական փաթեթն ընդունվի և ուժի մեջ մտնի մինչև սեպտեմբերի 11-ը, ապա Կառավարությունը, այո՛, մտադիր է կարանտին հայտարարել և պայքարը շարունակել համաճարակի դեմ, քանի որ այն ավարտված չէ»,- նշեց Գրիգորյանը։
Հիշեցնենք, որ ԱԺ-ն այսօր քննարկում է Կառավարության ներկայացրած օրենսդրական փաթեթը, որի ընդունումը հնարավորություն կտա այլևս չերկարաձգել Հայաստանում հայտարարված արտակարգ դրությունը:
Մանրամասները՝ տեսանյութում։
