Ինչո՞ւ է թիրախավորվում «Բաց հասարակության հիմնադրամներ-Հայաստանը»․ Լարիսա Մինասյանի բացատրությունը. ՏԵՍԱՆՅՈՒԹ

«Բաց հասարակության հիմնադրամներ – Հայաստանը» նախկին իշխանության, ԱԱԾ նախկին տնօրեն Արթուր Վանեցյանի կողմից թիրախավորվում է՝ որպես պետականության հիմքերը խարխլող։ Ձեր կարծիքով՝ ի՞նչ հիմքերով են նման պնդումներ արվում, ինչո՞ւ է թիրախավորվում Հիմնադրամը»,- «Մեդիակենտրոնի» հարցազրույցում այսպիսի հարց ուղղվեց հիմնադրամի գործադիր տնօրեն Լարիսա Մինասյանին։

Նրան հասկանալի է այն, որ նախկին իշխանությունները թիրախավորում են քաղհասարակությունը, և մասնավորապես՝ քաղհասարակության անձերի միջոցով՝ արժեքներն ու պահանջատիրությունը: «Չեմ կարծում այդքան պարզունակ են, որ հենց այս քաղհասարակության շրջանում են տեսնում վտանգը կամ իրենց իշխանության կորուստի պատճառը։ Երկարատև անտեսել են ժողովրդին ու քաղաքացուն, ինչը թույլ չի տալիս իրենց հասկանալ, որ դա ժողովրդի և քաղաքացու պահանջն էր, որ մերժելը գալիս էր այդտեղից և եթե անգամ հասկացել են, դժվար է գնալ ժողովրդի ու քաղաքացու դեմ։ Եվ իրենց թիրախը հեղափոխության առաջնորդներն են՝ հիմիկվա իշխանությունը, որ ունի այդ իշխանությունը, դա է իրենց թիրախը։ Եվ ունենալով ժողովրդի կողմից վստահված իշխանություն, էլի դժվար է այդ պոպուլյար իշխանությանը թիրախավորել։ Ինձ թվում է, որ սա պրոքսի պատերազմ է։ Եվ, ցավոք, եթե սկզբից կարծում էինք՝ անհեռանկար է, հիմա տեսնում ենք, որ դա տարածք գրավող է»,- ասաց «Բաց հասարակության հիմնադրամներ – Հայաստանի» գործադիր տնօրեն Լարիսա Մինասյանը։

Մանրամասները՝ տեսանյութում: