19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ասֆալտ բետոնի գործարանից 2 միլիոն դրամի մալուխ էին գողացել․ Գավառի ոստիկանների բացահայտումը
Հասարակություն
28.08.2020 | 12:45
Հուլիսի 22-ին ոստիկանության Գավառի բաժնում գողության վերաբերյալ հաղորդում էր ստացվել։
«Մի խումբ անձինք մտել էին տեղի ճանապարհաշինարարական ընկերության ասֆալտբետոնի գործարանի տարածք ու գողացել սարքավորումների մալուխներ։ Նախնական տվյալներով՝ տուժողին պատճառվել էր մոտ 2 միլիոն դրամի վնաս։ Հանցագործությունը բացահայտելու, ինչպես և հանցանքը կատարած անձանց ինքնությունը պարզելու միջոցառումները օրեր տևեցին։ Բացահայտման աշխատանքին միացան ոստիկանության Գեղարքունիքի մարզային վարչության ծառայողները։ Համատեղ միջոցառումների արդյունքում պարզվեց գողությունը կատարելու մեջ կասկածվող անձանց ինքնությունը, և օգոստոսի 24-ին հանցագործությունը բացահայտվեց։ Լոռու և Գեղարքունիքի մարզում բնակվող տղամարդիկ ներկայացվեցին տարածքային քննչական բաժին, որտեղ տվեցին խոստովանական ցուցմունք։ Հարուցված քրեական գործի նախաքննությունն ու գողոնը հայտնաբերելու միջոցառումները շարունակվում են»,- ասված է ՀՀ ոստիկանության տարածած հաղորդագրությունում:
