19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Կկառուցվի դեռևս 1985 թ.-ից նախատեսված Կապսի ջրամբարը, որը կոռոգի 30,000 հա հող․Վաչե Տերտերյան. ՏԵՍԱՆՅՈՒԹ
Տնտեսություն
27.08.2020 | 11:42
ՀՀ Կառավարության այսօրվա նիստում որոշում կայացվեց ՀՀ-ի և Վերականգնման վարկերի բանկի միջև 2014 թվականի դեկտեմբերի 19-ին ստորագրված վարկային համաձայնագրի պահանջներով և «Ջրային ռեսուրսների համատեղված կառավարում/Ախուրյան գետ, փուլ 1» (Կապսի ջրամբարի և ոռոգման ինքնահոս համակարգի կառուցում) ծրագրի իրականացման նպատակով հաստատել վերոնշյալ ծրագրի շրջանակներում հողերի ձեռք բերման և վերաբնակեցման գործողությունների պլանը։
Ծրագիրը կառավարության նիստում ներկայացրեց ՀՀ տարածքային կառավարման նախարարի առաջին տեղակալ Վաչե Տերտերյանը։ «Ախուրյանի գետահովտում 1985 թվականին դեռևս կառուցվելիք Կապսի ջրամբարի նպատակը պետք է լիներ 30 հազար հա հողերի ոռոգման ապահովումը։ 1988 թվականի երկրաշարժը և հետագա զարգացումները 1993 թվականին բերեցին նրան, որ այդ շինարարությունը կասեցվեց կամ կանգնեց, ինչի հետևանքով մենք ունենք քիչ չափով կառուցված պատվար, շրջանցիկ թունել, որով գետը շրջանցում է պատվարը և իրավիճակ, որ և՛ Ջրաձոր համայնքում, և՛ հարակից միջավայրում որևէ գործողություն չի արվել՝ ակնկալելով, որ այդ ջրամբարը, այնուամենայնիվ, հետագայում պետք է կառուցվի։ Այս ծրագրի իրականացման նպատակով 2014 թվականի դեկտեմբերի 19-ին ՀՀ-ի և Վերականգնման վարկերի գերմանական բանկի միջև հայ-գերմանական ֆինանսավորման շրջանակներում կնքվել է վարկային համաձայնագիր՝ ընդհանուր 60 մլն եվրո արժողությամբ, այդ թվում՝ 50 մլն-ը վարկային միջոցներ։ Ծրագիրը թիրախային և ջրային ռեսուրսների կայուն բնապահպանական տեսանկյունից բնապահպանական իրավիճակի բարելավմանն է միտված և, բնականաբար, գյուղական շրջանների և գյուղատնտեսության զարգացմանը։ Չպիտի մոռանալ, որ սա նաև ունի անվտանգային կարևոր կոմպոնենտ, որովհետև ջրամբարի այս կիսատ վիճակում գոյությունը արդեն իսկ վտանգավորության աստիճան է ստեղծել, թունելը եկար տարիներ չի շահագործվել և չի վերանորոգվել, և առաջացել են ռիսկեր»,- նշեց Տերտեյանը։
Վերջինիս խոսքով՝ ծրագրի առաջին փուլով նախատեսվում է Կապսի ջրամբարի շինարարությունը՝25 մլն խմ կարողությամբ, իսկ երկրորդ փուլը ենթադրում է մինչև 60 մլն խմ ջրատարողության ջրամբարի կարողություն։
Մանրամասները՝ տեսանյութում։
