01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Սանատորիա չենք ուզում, բայց մարդու արժանապատվությունը չպիտի նսեմացվի․ Սաքունց. ՏԵՍԱՆՅՈՒԹ
Հասարակություն
26.08.2020 | 13:52
Քրեակատարողական հիմնարկներում մարդու իրավունքների պաշտպանությանն ուղղված ջանքերը մեծացնելու և արդյունք ստանալու վերաբերյալ շարունակաբար քայլեր պետք է ձեռնարկվեն։ Այս մասին այսօ քննարկման ժամանակ ասաց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը։
«Առաջին հերթին ՔԿՀ-ների փակվածության աստիճանը նվազեցնել, ՔԿՀ խնդիրների մասին բարձրաձայնելը պետք է խրախուսվի, որի համար լրագրողների մուտքը պետք է ապահովել։ Իհարկե լրագրողներին պետք է կրթել, թե փակ հաստատություններում գտնվող անձանց խնդիրների լուսաբանման տեսակետից ինչ էթիկական նորմեր կան։ Մենք չենք ասում միանգամից բացեք, ո՛չ, դրա համար համապատասխան ընթացակարգ կա, բայց պետք է գրագետ մոտենալ։ Եթե ՔԿՀ-ում գտնվող անձինք, աշխատողները շարունակում են չբարձրաձայնել առկա խնդիրների մասին՝ մտածելով, որ կարող են խնդիրներ ունենալ, նշանակում է իրավիճակը չի փոխվի»,- նշեց Սաքունցը։
Վերջինիս խոսքով՝ պատգամավորները, որպես պառլամենտական վերահսկողություն իրականացնող անձինք, պետք է հաճախակի այցեր կատարեն ՔԿՀ-ներ:
«Ոչ մեկը երաշխիք չունի, որ ՔԿՀ-ում չի հայտնվելու։ Այնպիսի պայմաններ են պետք, որ երբ մարդն այնտեղ հայտնվի, երաշխավորված լինի, որ նրա արժանապատվությունը չի նսեմացվելու։ Սանատորիա չենք ուզում, բայց մարդու արժանապատվության նկատմամբ նվաստացում չպետք է լինի»,- նշեց Սաքունցը։
Մանրամասները՝ տեսանյութում։
