06.02.2026 | 12:24
Իրանի ԱԳ նախարարը հանդիպել է Օմանի իր գործընկերոջ հետ՝ ԱՄՆ-ի հետ բանակցություններից առաջ
ԱԱԾ-ն հերքում է․ Արսեն Թորոսյանը ԱԱԾ չի հրավիրվել
Քաղաքականություն
25.08.2020 | 16:26
Առողջապահության նախարար Արսեն Թորոսյանը Ազգային անվտանգության ծառայություն չի հրավիրվել։ Այս մասին այսօր Factor.am-ի հետ զրույցում ասաց ԱԱԾ լրատվական ծառայության պետ Արթուր Գևորգյանը։
«Նման տեղեկություններ չկան, և նրան Ազգային անվտանգության ծառայություն հրավիրելու որևէ հիմքեր էլ չկան»,- նշեց Գևորգյանը։
Հիշեցնենք, որ այսօր մամուլում տեղեկություններ էին տարածվել այն մասին, որ առողջապահության նախարար Արսեն Թորոսյանն ու ՀՀ վարչապետ Նիկոլ Փաշինյանը կոշտ խոսակցություն են ունեցել, ինչից հետո Նիկոլ Փաշինյանը Թորոսյանի պաշտոնանկության հարցով կուսակցության վարչության հրատապ նիստ է հրավիրել, իսկ Արսեն Թորոսյանն այդ ընթացքում կանչվել է ԱԱԾ։
