27.08.2026 | 15:10
Փաշինյանն իրավապահ համակարգին սպառնում է ազատումներով // ՀՀ-ն Լեհաստանում ռազմական կցորդ կունենա․ ԼՈՒՐԵՐ
Գագիկ Խաչատրյանն առողջական վիճակի պատճառով ի վիճակի չի եղել ներկայանալ նիստին. դատական նիստը հետաձգվել է. փաստաբան
Հասարակություն
25.08.2020 | 13:30
ՀՀ Ֆինանսների նախկին նախարար Գագիկ Խաչատրյանի գործով այսօր նշանակված նիստը հետաձգվել է, քանի որ Խաչատրյանը առողջական վիճակով պայմանավորված չի կարողացել ներկայանալ նիստին։ Այս մասին տեղեկացրել է նրա փաստաբան Երեմ Սարգսյանը։
«Այսօր ժամը 12-ին նշանակված էր Ֆինանսների նախկին նախարար Գագիկ Խաչատրյանի առաջին դատական նիստը, որի ընթացքում դատարանը պետք է լուծեր նրա նկատմամբ կիրառված խափանման միջոցի հարցը։ Տեղեկացնում եմ, որ նիստը հետաձգվել է։ Գագիկ Խաչատրյանը ցանկություն էր հայտնել նույնպես ներկա գտնվելու դատական նիստին, սակայն առողջական վիճակով պայմանավորված այսօր ի վիճակի չէր ներկայանալ, հետևաբար դիմում ենք ներկայացրել՝ խնդրելով մեկ օրով հետաձգել նիստը, որպեսզի Խաչատրյանը ևս կարողանա մասնակցել։ Նիստը կկայանա վաղը՝ օգոստոսի 26-ին, ժամը 12-ին Երևան քաղաքի ընդհանուր իրավասության դատարանում»,- իր ֆեյսբուքյան էջում տեղեկացրել էփաստաբանը։
