09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Համաշխարհային Օլիմպիադա. Հայաստանի հավաքականը մեկնարկեց հաղթանակով
21.08.2020 | 22:38
Շախմատի համաշխարհային 44-րդ Օլիմպիադայում, որն այս տարի անցկացվում է օնլայն, հաղթանակով մեկնարկեց Հայաստանի հավաքականը. գրում է ArmSport.am-ը:
Առաջին տուրում Հայաստանի թիմը 4:2 հաշվով առավելության հասավ Ռումինիայի հավաքականի նկատմամբ:
Հայ շախմատիստներից հաղթանակ տարան Լեւոն Արոնյանը, Էլինա Դանիելյանը, Աննա Սարգսյանը։ Լիլիթ Մկրտչյանն ու Հրանտ Մելքումյանը ոչ-ոքի խաղացին, իսկ Հայկ Մարտիրոսյանը պարտություն կրեց։
Հիշեցնենք, որ այս տարի փոխվել է մրցաշարի անցկացման ձևաչափը, մասնակից հավաքականների քանակը: Թիմերը բաղկացած են 6 հիմնական և 6 պահեստային խաղացողներից: Հիմնական կազմում պետք է լինեն 2 տղամարդ, 2 կին, մինչև 20 տարեկան 1 պատանի և մինչև 20 տարեկան 1 աղջիկ: Օլիմպիադայի հաղթողի կոչման համար կպայքարի 40 հավաքական:
Հայաստանի հավաքականն ընդգրկվել է C խմբում, որտեղ մեր ընտրանու մրցակիցներն են Ռուսաստանը, Բուլղարիան, Ալժիրը, Եգիպոսը, Մարոկկոն, Խորվաթիան, Անգլիան, Թուրքիան և Ռումինիան: Առաջին տուրում մեր թիմի մրցակիցը Ռումինիան է:
