27.08.2026 | 17:07
Դուք, ի վերջո, կամանդի՞րն եք, թե՞ ՔՊ-ի Սասուն Միքայելյանը․ Ագնեսա Խամոյան. ՏԵՍԱՆՅՈՒԹ
Ծեծկռտուք Մաշտոցի պողոտայում. Կենտրոնականի ոստիկանների բացահայտումը
Հասարակություն
21.08.2020 | 17:42
ՀՀ ոստիկանությունից տեղեկացնում են, որ օգոստոսի 17-ին, ժամը 06.03-ին, ոստիկանության օպերատիվ կառավարման կենտրոն մի քաղաքացուց ահազանգ էր ստացվել, որ Մաշտոցի պողոտայի սուպերմարկետի մոտ մի խումբ անձինք կռվում են, հայհոյանքներ հնչեցնում:
Ոստիկանության Կենտրոնական բաժնի օպերատիվ խումբը նշված վայրից բաժին է ներկայացրել մարմնական վնասվածքներով երկու երիտասարդի: Նրանք հայտնել են, որ ծեծի են ենթարկվել անծանոթ անձանց կողմից և հրաժարվել են հաղորդում տալուց, ինչից հետո նրանցից մեկը բուժօգնության է դիմել հիվանդանոց:
Խուլիգանության փաստով հարուցված քրեական գործի շրջանակներում ձեռնարկված միջոցառումներով Կենտրոնականի ոստիկանները պարզել են, որ Մաշտոցի պողոտայում երիտասարդներին ծեծի են ենթարկել մայրաքաղաքի Նորագյուղ թաղամասի չորս բնակիչ: Ոստիկանների բացատրական աշխատանքի շնորհիվ նրանք ներկայացել են ոստիկանության Կենտրոնական բաժին և տվել խոստովանական ցուցմունք:
Կատարվում է նախաքննություն:
