03.08.2026 | 12:36
«Ռուբինյանի՝ մարտի 1-ին կալանավորված հայրն անմեղ էր. այո՛, պարոն Քոչարյան, այդպես զարմացած մի նայեք»․ ՏԵՍԱՆՅՈՒԹ
Սերգեյ Լավրովը խոսել է տավուշյան մարտերի և ղարաբաղյան հիմնախնդրի մասին
Քաղաքականություն
21.08.2020 | 12:11
Ռուսաստանը ԵԱՀԿ Մինսկի խմբի մյուս գործընկերների հետ աշխատում է Լեռային Ղարաբաղի հակամարտության կարգավորման բանակցությունների շուտափույթ վերականգնման ուղղությամբ։ Այս մասին ասել է ՌԴ արտգործնախարար Սերգեյ Լավրովը “Труд” պարբերականի հետ զրույցում։
«Ակնկալում ենք Լեռնային Ղարաբաղի հիմնախնդրի կարգավորման բանակցությունների շուտափույթ վերսկսում։ Դրա համար աշխատում ենք ԵԱՀԿ ՄԻնսկի խմբի մեր գործընկերների հետ»,- ասել է Լավրովը։
Նա նաև նշել է,որ հուլիսին Հայաստանի ու Ադրբեջանի միջև սահմանային կոնֆլիկտը 1994 թ-ին կնքված հրադադարի համաձայնագրի երկրորդ խոշոր խախտումն է։ Լավրովը նաև շեշտել է, որ 26 տարվա մեջ առաջին անգամ մարտական գործողությունները տեղի են ունեցել Հայաստանի ու Ադրբեջանի պետական սահմանին և ոչ թե Լեռնային Ղարաբաղի շփման գծում։
Լավրովի կարծիքով բախման հիմքում մի շարք պատճառներ կան։
«Աշխարհագրական գործոնը ևս ծառայեց, հայկական կողմի որոշումը վերականգնել հին սահմանային դիրքը, որը գտնվում է ադրբեջանական խողովակաշարերից 15 կմ հեռավորության վրա, առաջացրել է մեկի լուրջ անհանգստությունը և մյուսների չարդարացված ռեկացիան ու արդյունքում սկսվել է առճակատում՝ անկանխատեսելի հետևանքներով»,- ասել է ՌԴ արտգործնախարարը։
Նա նաև ասել է, որ ՌԴ ԱԳՆ-ն միջնորդական ակտիվ ջանքեր է գործադրել, որի արդյունքում հնարավոր է եղել հասնել կրակի դադարեցմանը։
