07.06.2026 | 11:24
Էհ, հանուն Հայաստանի Հանրապետության. Միքայել արքեպիսկոպոս Աջապահյանը քվեարկեց․ ՏԵՍԱՆՅՈՒԹ
Ամուլսարում իրավիճակը գերլարված է. ՀԲՃ
Տնտեսություն
21.08.2020 | 01:16
Լիդիան Արմենիա ընկերությունը կեսգիշերին Ամուլսարի տարածք փորձում է տեխնիկա մտցնել։ Այս մասին հայտնում է Հայակական բնապահպանական ճակատի ֆեյսբուքյան էջը։
Աղբյուրի փոխանցմամբ՝ իրավիճակն Ամուլսարում կեսգիշերի դրությամբ գերլարված է։ Լիդիան Արմենիայի հարյուրի հանող պահնորդները շրջափակել են Ամուլսարի պահապաններին, նրանց մեքենան տեղափոխել են ու ուզում են տեխնիկա մտցնել տարածք։
Հիշեցնենք՝ այսօր Ամուլսարի հանքի շահագործման դեմ բողոքի ակցիա էր անցկացվել։ Ամուլսարի պահապանները Ջերմուկից ավտոերթով եկել էին Երեւան, որտեղ ակցիաներ իրականացվեցին կառավարության եւ շրջակա միջավայրի նախարարության մոտ։ Նրանք պահանջում են, որ կառավարությունը հրաժարվի Ամուլսարում հանք շահագործելու ծրագրից։
Ավելի վաղ հայտնել էինք, որ օգոստոսի սկզբին Ամուլսարի մատույցների մոտ ակտիվիստները բողոքի միջոցառումներ էին կազմակերպում, քանի որ Լիդիան Արմենիա ընկերությունը տեղափոխել էր Ամուլսարի պահապանների ժամանակավոր տնակները եւ փոխարենը իրենն էր դրել։ Քառօրյա ակցիաներից հետո ի վերջո տնակները հեռացվեցին։
Նարեկ Կիրակոսյան
