22.02.2026 | 17:28
Խոսակցություններ են տարածվում, որ մարտի 1-ից սկսած կանխիկ վճարումն ընդհանրապես արգելվելու է․ Բաբկեն Թունյանը պարզաբանում է
Ոստիկանները բերման են ենթարկել «օրենքով գող» Ուֆայի Գևորիկին. նա ձերբակալվել է
Հասարակություն
20.08.2020 | 18:00
ՀՀ ոստիկանությունից տեղեկացնում են, որ օգոստոսի 19-ին Քրեական ոստիկանության գլխավոր վարչության ծառայողները, իրացնելով տարաբնույթ միջոցառումների արդյունքում ձեռք բերած օպերատիվ տվյալները, Արաբկիր վարչական շրջանի սրճարաններից մեկում հայտնաբերել ու գլխավոր վարչություն բերման են ենթարկել «Ուֆայի Գևորիկ» մականվամբ հայտնի, այսպես կոչված՝ «օրենքով գող» Գևորգ Գրիգորյանին։
«39-ամյա Գրիգորյանը Բաշկորտոստանի Հանրապետության իրավապահների կողմից միջպետական ու միջազգային մակարդակով հետախուզվում էր Ռուսաստանի քրեական օրենսդրությամբ սահմանված քրեական աստիճանակարգության բարձրագույն կարգավիճակ զբաղեցնելու մեղադրանքով, խափանման միջոցը՝ կալանք։ Գևորգ Գրիգորյանը ձերբակալվել ու տեղափոխվել է ոստիկանության ԵՔՎ ձերբակալվածների պահման վայր»,- ասված է հաղորդագրությունում:
