12.01.2025 | 12:00
Շվանիձոր-Նռնաձոր-ՀՀ սահման ավտոճանապարհին կատարվելու են պայթեցման աշխատանքներ
Ժամկետնանց անձնագրով քվեարկելու իրավունքն առաջարկվում է վերացնել․ ԸՕ-ի առաջարկվող փոփոխությունները. ՏԵՍԱՆՅՈՒԹ
Հասարակություն
18.08.2020 | 15:06
«Իրազեկ Քաղաքացիների Միավորում» կազմակերպությունն առաջարկում է վերացնել ժամկետնանց անձնագրերով ընտրելու իրավունքի իրացման հնարավորությունը։ Այս մասին այսօր Ընտրական օրենսգրքի փոփոխությունների վերաբերյալ քննարկման ժամանակ ասաց ՀԿ նախագահ Դանիել Իոաննիսյանը։
«Ժամկետանց անձնագրով գրեթե հնարավոր չէ որևէ գործարք անել: Միակ գործողությունը, որը ՀՀ-ում կարելի է անել ժամկետանց անձնագրով, դա քվեարկելն է: Մենք առաջարկում ենք դա վերացնել և սահմանել՝ անձը կարող է քվեարկել միայն այն դեպքում, երբ անձը հաստատող փաստաթուղթը կամ նույնականացման քարտը ժամկետի մեջ է, կամ էլ՝ եթե փաստաթուղթը ժամկետը կորցրել է վերջին 6 ամսում, և քաղաքացին չի հասցրել նորը ստանալ: Դա «ներելի» է: Մյուս դեպքերում անձանց պետք է հանել ընտրողների ցուցակից, որը էականորեն կկրճատվի՝ 188 000-ով և կմոտենա բնակչության իրական քանակի պատկերին»,- նշեց Իոաննիսյանը։
Իոաննիսյանը նշեց, որ քննարկվում է նաև ընտրական ցուցակների պճշգրտման հարցը։ Նրա խոսքով՝ կան շատ մարդիկ, որոնք վաղուց լքել են Հայաստանը կամ գուցե անգամ մոռացել են, որ ՀՀ քաղաքացիություն ունեն։ Այս հարցում առաջարկվում է հիմք ընդունել սահմանի էլեկտրոնային կառավարման համակարգը, որտեղ տվյալներ կան քաղաքացիների՝ երկրում գտնվել-չգտնվելու վերաբերյալ։
Մանրամասները՝ տեսանյութում։
