01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Լուկաշենկոն Եվրամիությունում ճանաչվել է «persona non grata»
Քաղաքականություն
17.08.2020 | 17:53
Եվրախորհրդարանի պատգամավորները չեն ճանաչում Բելառուսում օգոստոսի 9-ին կայացած նախագահական ընտրությունների արդյունքները, իսկ գործող նախագահ Ալեքսանդր Լուկաշենկոյին համարում են Եվրամիությունում անցանկալի անձ՝ «persona non grata»: ՏԱՍՍ-ի փոխանցմամբ՝ այս մասին ասվում է Եվրախորհրդարանի անդամ կուսակցությունների տարածած համատեղ հայտարարության մեջ:
«Օգոստոսի 9-ի նախագահական ընտրությունները ոչ ազատ էին, ոչ էլ արդար: Հավաստի աղբյուրները վկայում են [նախագահի թեկնածու] Սվետլանա Տիխանովսկայայի հաղթանակի մասին: Հետևաբար, մենք չենք ճանաչում Ալեքսանդր Լուկաշենկոյին որպես Բելառուսի վերընտրված նախագահ և նրան համարում են «persona non grata» Եվրամիությունում: Մենք միանում ենք բելառուս ժողովրդի պահանջին. երկրում նոր և ազատ ընտրություններ անցկացնել անկախ դիտորդների մասնակցությամբ»,- ասված է հայտարարության մեջ։
ԵԽ պատգամավորները խստորեն դատապարտում են ձերբակալությունները, խաղաղ ցուցարարների դեմ կիրառված բռնություններն ու խոշտանգումները, և կոչ են անում լիարժեք հետաքննություն անցկացնել այդ հանցագործությունների բացահայտման համար՝ ընդգծելով, որ «դրանք անպատիժ չեն կարող մնալ»:
