COVID-19-ը ծագել է Չինաստանում դեռևս 2012 թ.-ին. գիտնականների վարկածը

Գիտնականները կորոնավիրուսի առաջացման նոր վարկած են նշել, որի համաձայն COVID-19-ը գուցե ծագել է  2012 թ-ին Չինաստանի հանքերից մեկում, այլ ոչ թե Ուհանի հայտնի ծովամթերքի շուկան, գրում է բրիտանական The Sun-ը:

Գիտնականները կարծում են, որ արագ տեմպերով տարածվող վիրուսը իրականում առաջացել է Ուհանի շուկայից 1000-ավոր մղոններ հեռավորության վրա:

Ութ տարի առաջ Չինաստանի Յունան նահանգի հանքահորերից մեկում վեց հանքափոր է հիվանդացել Covid-19-ին բնորոշ ախտանիշերներով 2 շաբաթ հանքը չղջիկների կեղտից մաքրելուց հետո։ Երեքը մահացել էին, իսկ մյուսներին բուժել են նույն մեթոդներով, որոնցով այսօր բուժում են Covid-19-ով վարակվածներին`արհեստական օդափոխման սարքերին միացնելով, ստերոիդներով և հակաբիոտիկներով: Նրանց արյան փորձանմուշներն ուղարկել են Ուհանի լաբորատորիա, որտեղ հաստատվել է, որ հանքափորները վարակված են եղել կորոնավիրուսով: Լեթեմը և Ուիլսոնը կարծում են, որ վարակը կարող էր ադապտացվել մարդկային օրգանիզմին դեռ 2012 թվականին:

Նրանց բուժող չինացի բժիշկը իր գրառումներում նկարագրել է հանքափորների գանգատները, ովքեր ունեցել են այն ախտանիշները, որոնք այսօր ունեն COVID-19-ով վարակվածները՝ թոքաբորբ, չոր հազ, բարձր ջերմություն և ցավ վերջույթներում: Այս մասին հայտնել են վարակաբան Ջոնաթան Լեթեմը և կենսաբան Էլիսոն Ուիլսոնը, ովքեր էլ հայտնաբերել են բժշկի գրառումները:

«Այս տեղեկությունը մեզ ստիպում է վերանայել այն ամենը, ինչ մենք մինչ այժմ  գիտեինք COVID-19-ի ծագման մասին», – ասել են նրանք:

Նշենք, որ օգոստոսի 17-ի դրությամբ՝ աշխարհում հայտնաբերվել է կորոնավիրուսի 21,684,349 դեպք, մահացել է 775,489 մարդ: