07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
COVID-19-ից բուժվածները նորից չեն վարակվի հաջորդ ամիսների ընթացքում. ԱՄՆ-ի Հիվանդությունների վերահսկման և կանխարգելման կենտրոն
Քաղաքականություն
17.08.2020 | 10:44
COVID-19-ից բուժվածները կարող են շուրջ երեք ամիս առանց վախենալու շփվել այլ մարդկանց հետ: NBC News-ի փոխանցմամբ՝ այս մասին նախորդ շաբաթ հայտնել է ԱՄՆ-ի Հիվանդությունների վերահսկման և կանխարգելման կենտրոնը (CDC):
Ըստ կենտրոնի՝ վարակակրի հետ շփված անձինք պետք է մեկուսանան, «բացառությամբ նրանց, ովքեր նախորդ 3 ամիսների ընթացքում ունեցել են COVID-19»:
Կորոնավիրուսի դրական պատասխան ունեցողները պետք չէ նորից թեստավորվեն հաջորդ 3 ամիսների ընթացքում, քանի դեռ նրանց մոտ ի հայտ չեն եկել նոր ախտանիշներ:
Նախկինում կենտրոնն ասել էր, որ COVID-19-ից բուժվածների թեստերը կարող են դրական լինել մինչև երեք ամիս, չնայած դրական արդյունքը չի նշանակում, որ տվյալ անձը դեռ հիվանդ է:
Նշենք,որ Սպիտակ տան կորոնավիրուսային աշխատանքային խմբի անդամ Դոկտոր Բրետ Գիրոարը խորհուրդ է տվել մարդկանց բուժվելուց հետո նորից չթեստավորվել:
ԱՄՆ-ի Հիվանդությունների վերահսկման և կանխարգելման կենտրոնն իր նոր հրապարակմամբ մեկ քայլ առաջ է գնացել՝ ասելով, որ ապաքինվածները առնվազն երեք ամիս պաշտպանված են կրկին վարակվելուց:
Կենտրոնի տրամադրած տեղեկությունը հիմնված է ուսումնասիրությունների վրա, որոնց ընթացքում պարզվել է, որ չկա որևէ ապացույց, որ մարդիկ լավանալուց երեք հետո նորից վարակվել են կորոնավիրուսով:
