19.09.2026 | 14:44
Բայանդուրում բազմաֆունկցիոնալ մարզադաշտ է կառուցվում
Մինսկում ի պաշտպանություն Լուկաշենկոյի հանրահավաքից հետո մեկնարկել է ընդդեմ Լուկաշենկոյի 200 հազար հոգանոց հավաքը. ՏԵՍԱՆՅՈՒԹ
Քաղաքականություն
16.08.2020 | 18:48
Մինսկում ի պաշտպանություն Լուկաշենկոյի հանրահավաքից հետո մեկնարկել է ընդդեմ Լուկաշենկոյի հանրահավաքը, որին առնվազն մասնակցում է 200 հազար մարդ. հաղորդում է meduza.io-ն:
Միայն «Մինսկ – հերոս քաղաք» տաղավարի մոտ ընթացող հանրահավաքին, ըստ Tut.by- ի և MBH Media- ի գնահատականների, մասնակցում է 60-ից 100 հազար մարդ: Մասնակիցների թիվը շարունակում է աճել:
Ընդդեմ Լուկաշենկոյի զանգվածային հավաքներ են ընթանում նաև Բելառուսի այլ քաղաքների կենտրոնական հրապարակներում:
Ավելի վաղ, Մինսկի Անկախության հրապարակում կայացել է ի պաշտպանություն Լուկաշենկոյի հավաքը, որին, ըստ բելառուսական ԶԼՄ-ների, մասնակցել է մոտ 10 հազար մարդ:
Հանրահավաքին Լուկաշենկոն ելույթ ունենալիս շնորհակալություն է հայտնել Մինսկի բնակիչներին, որ իրեն արդեն քառորդ դար է` դիմանում են: «Հիշեք՝ կկործանեք ոչ թե Լուկաշենկոյին, այլ առաջին նախագահին, և դա կլինի ձեր վերջի սկիզբը։ Ծնկի կգաք։ Կդառնաք մուրացկաններ և կքայլեք ձեռքը երկարած։ Ես ողջ եմ և ապրում եմ: Եվ հիշեք, ես ձեզ երբեք չեմ դավաճանել և երբեք չեմ դավաճանի։ Շնորհակալություն, որ ցույց տվեցիք` դուք այս երկրի և այս մայրաքաղաքի տերն եք: Նրանք երկար կհիշեն դա։ Շատ շնորհակալ եմ։ Ես առաջին անգամ կյանքում ձեր առջև ծնկի եմ եկել։ Դուք արժանի եք դրան»,- sputnik.by-ի փոխանցմամբ՝ հայտարարել է նա։
