17.09.2026 | 17:33
Հովհաննես Համբարձումյանն ավարտեց կարիերան Հայաստանի հավաքականում
Դանակահարություն Մյասնիկյան գյուղում․ Բաղրամյանի բաժնի ոստիկանները բացահայտել են հանցագործությունը
Հասարակություն
13.08.2020 | 22:49
Օգոստոսի 11-ին, ժամը 1.30-ի սահմաններում, հիվանդանոցից ոստիկանության Բաղրամյանի բաժին հաղորդում ստացվեց, որ որովայնի կտրած-ծակած վերքով Մյասնիկյան գյուղի մի բնակիչ բուժօգնության է դիմել:
«Տուժողը թաքցրել էր դեպքի իրական հանգամանքները, բժիշկներին հայտնել էր՝ իբր բակում ընկել է: Սակայն հիվանդանոց, այնուհետև Մյասնիկյան գյուղ մեկնած օպերատիվ խումբն այլ բան պարզեց:
Օգոստոսի 10-ին, ժամը 23.30-ի սահմաններում, կենցաղային հարցերի շուրջ վիճաբանության ժամանակ տուժողին դանակահարել էր համագյուղացին` Մյասնիկյան գյուղի 34-ամյա մի բնակիչ:
Իրավապահների բացատրական աշխատանքի շնորհիվ նա ներկայացավ ոստիկանության Բաղրամյանի բաժին և խոստովանեց կատարածը:
Դեպքի առթիվ հարուցվել է քրեական գործ։
Հանգամանքները պարզվում են:
Դանակը հայտնաբերվել և առգրավվել է:
Կատարվում է նախաքննություն»,- ասված է հաղորդագրությունում:
