ՀՀ ԱԻՆ-ից տեղեկացնում են, որ օգոստոսի 11-ին՝ ժամը 18։43-ին, Ճգնաժամային կառավարման ազգային կենտրոն տեղեկություն է ստացվել, որ Ջրվեժի 13-րդ փողոցի 1-ին փակուղու տներից մեկի տանիքում շինարարական աշխատանքներ կատարելիս քաղաքացին ընկել է։
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ Սարգիս Ա․-ն (ծնված 1993 թ․) շինարարական աշխատանքներ կատարելիս ընկել է տան տանիքից (մոտ 7 մ բարձրություն)։
Փրկարարները քաղաքացուն մոտեցրել են շտապօգնության ավտոմեքենային․ վերջինս հոսպիտալացվել է «Հերացի» թիվ 1 համալսարանական հիվանդանոց, որտեղ բժիշկները նրա առողջական վիճակը գնահատել են ծանր։
