07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ինչո՞ւ է Ազգային ժողովի այգին փակ․ ոստիկանների պարզաբանումը
Հասարակություն
10.08.2020 | 19:34
Այսօր Ազգային ժողովի դարպասների մոտ մի խումբ քաղաքացիներ ակցիա էին իրականացնում՝ ի պաշտպանություն Ամուլսարի։ Ի սկզբանե այն նախատեսված էր Ազգային ժողովի այգում, սակայն Factor.am-ի նկարահանող խումբն արձանագրեց, որ մինչ ակցիայի մեկնարկը ԱԺ դարպասներն արդեն փակ էին։
Տարածքը հսկող ոստիկանները Factor.am-ին փոխանցեցին, որ ըստ ԱԺ անվտանգության աշխատակիցների տեղեկությունների՝ այգում ծառերի թունաքիմիական մշակում և այլ այգեգործական աշխատանքներ են իրականցվել, ինչի համար էլ մոտավորապես 16։30-ից ԱԺ դարպասները փակ են։ Ոստիկանության աշխատակիցները դժվարացան նշել, թե Ազգային ժողովի այգին երբ կրկին բաց կլինի։
Հիշեցնենք՝ 2018-ի հոկտեմբերի 3-ից, վարչապետ Նիկոլ Փաշինյանի որոշմամբ, ամեն օր առավոտյան 10-ից մինչև երեկոյան 22-ը խորհրդարանական այգին բաց է հանրության առջև: Մինչ օրս ԱԺ դարպասները քաղաքացիների առջև փակվել են միայն մեկ անգամ՝ 2019-ի օգոստոսի 19-ին, երբ մի խումբ քաղաքացիներ ակցիա էին իրակամացնում՝ հաջակցություն Ամուլսարի հանքավայրի շահագործման դեմ պայքարի դուրս եկած Ջերմուկի և հարակից բնակավայրերի քաղաքացիներին, որոնք Բաղրամյան 26 հասցեում ՀՀ վարչապետի հետ հանդիպման էին:
Ոստիկանական ուժերը մի քանի շարքով պահպանում էին ՀՀ նախագահական նստավայրը՝ արգելելով քաղաքացիներին մոտենալ նստավայրի արդեն իսկ փակ դարպասներին, ինչը ստիպել էր քաղաքացիներին հավաքն անցկացնել պողոտայի հակառակ մայթին։
Նելլի Մելքոնյան
