29.04.2026 | 12:17
Թրամփի դիմանկարը՝ ամերիկյան անձնագրի շապիկին
Վոլգոգրադում գազի ցիստեռնի պայթյունի հետևանքով տուժել է ութ մարդ
Քաղաքականություն
10.08.2020 | 16:28
Առնվազն ութ մարդ է տուժել Վոլգոգրադի լցակայաններից մեկում այսօր տեղի ունեցած գազի ցիստեռնի պայթյունի հետևանքով. հաղորդում է «ՌԻԱ Նովոստի»-ն:
Ըստ Արտակարգ իրավիճակների նախարարության՝ պայթյունը տեղի է ունեցել Լենինի պողոտայում տեղական ժամանակով 11:40-ին: Պայթյունի հետևանքով փլուզվել է լցակայանի շենքը:
Նախարարությունը տեղեկացնում է, որ դեպքի վայրում աշխատում են 70 հրշեջ և 21 մեքենա: Այժմ նրանք մաքրում են աղբը և տարածքը:
Բոլոր տուժածները տեղափոխվել են N25 հիվանդանոցում: Մեկի վիճակը ծանր է. նա գտնվում է ինտենսիվ թերապիայի բաժանմունքում:
Նախարարության մարզային ստորաբաժանումից աղբյուրին փոխանցել են, որ տուժածներից 4-ը հրշեջներ են:
Վոլգոգրադի մարզի դատախազությունը ստուգումներ է սկսել դեպքի առնչությամբ:
